أفضل لعبة تعاونية في 2014

أفضل لعبة تعاونية لعام 2014 هي لعبة Destiny. نزلت اللعبة على بلايستيشن 4، بلايستيشن 3، اكس بوكس ون، اكس بوكس 360.

عنصر التعاون أو co-op صار له أهميّة كبيرة في السنوات الاخيرة، وصارت ألعاب ترتفع قيمتها عند اللاعبين بسبب العناصر التعاونية اللي فيها.

المرشحين للجائزة هذي كثير، خلونا نلقي نظرة على أبرز الألعاب التعاونية أو اللي دعمت طور تعاوني بشكل ممتاز هذي السنة:

• Dark Souls II
• Destiny
• Assassin’s Creed Unity
• Far Cry 4

كل الألعاب المذكورة طبقت العناصر التعاونية بشكل يختلف عن الثاني تقريباً، وكلها كانت ممتعة الى حد كبير، خصوصاً دارك سولز. لكن كل هالألعاب ما وصلت الى المستوى التعاوني الممتاز اللي شفناه في لعبة Destiny.

لعبة ديستني مبنيّة بشكل كبير على التعاون مع أخوياك، ولكن مو هذا السبب اللي خلاها تفوز. اللعبة فعلاً تشجع اللاعبين على التعاون فيما بينهم: اذا لعبت Night Fall فتلقى نفسك غالباً مضطر تجيب واحد من أخوياك الفنانين يساعدونك، أو اذا لعبت raid على أصعب مستوى فلازم تتنقّى فريقك بشكل دقيق.

هذا كله غير ان اللعبة أساساً ممتعة وأنت تلعبها مع أخوياك، حتى وأنت تخلص أشياء بسيطة مثل المهمات الجانبية اليومية. هذي أكثر لعبة شفنا اللاعبين يتعاونون مع بعضهم فيها. شفنا كثير من اللاعبين يساعدون أخوياهم فقط من باب المتعة، على انهم ما راح يستفيدون شي من لعبهم مع أخوياهم.

هذي الأسباب اللي خلتنا نختار ديستني كأفضل لعبة تعاونية في 2014! وش اختيارك الشخصي؟