أفضل لعبة مغامرات في 2014

الفائز في أفضل لعبة مغامرات في 2014 هي لعبة Dark Souls II. نزلت اللعبة على بلايستيشن 3، اكس بوكس 360، بي سي، وبتنزل على بلايستيشن 4 واكس بوكس ون.

ألعاب المغامرات من أكثر أنواع الألعاب من ناحية الانتشار، وهو برضه نوع يشمل كثير من الألعاب، ويعتبر “الأوسع” بحيث تقدر تعتبر كثير من الألعاب كلعبة مغامرات.

نزلت السنة هذي الكثير من ألعاب المغامرات اللي استمتعنا فيها، وهذي قائمة المرشحين اللي اخترناها:

•  Middle-Earth: Shadow of Mordor
• Assassin’s Creed Unity
• Dark Souls II
• Far Cry 4

لعبة شادو أوف موردور كانت من الألعاب الرهيبه اللي استمتعنا فيها جدًا، خصوصاً وانها لعبة ما بنينا لها أي توقعات، وهذا أضاف شي كبير لتجربتنا معها. لعبة أساسينز كريد يونيتي كانت رائعة كلعبة مغامرات، وهذا شي ماهو مستغرب على السلسلة. لعبة فار كراي 4 كانت من أكثر الألعاب اللي استمتعنا فيها بشكل عام، وعناصر المغامرة اللي فيها كانت بارزة، ولو انها تعتبر لعبة تصويب منظور شخص أول.

أما بالنسبة لدارك سولز 2، فاختارناها كأفضل لعبة مغامرات في 2014 بسبب التجربة الرائعة اللي عشناها معها، لعبة دارك سولز قدمت لنا تجربة مغامرات أفضل من باقي المرشحين. تميّزت اللعبة (أو السلسلة بشكل عام) بصعوبتها ومعاقبتها للاعبين في حال أخطيت. برضه اللعبة تقدر تلعبها بطريقتك المفضلة، ولا فيه أي اجبار للاعبين انهم يلعبونها بطريقة معيّنة.

وش أفضل لعبة مغامرات بالنسبة لك في 2014؟