أفضل لعبة آكشن في 2014 هي لعبة Bayonetta 2. نزلت اللعبة حصرياً على جهاز Wii U.
ألعاب الآكشن قليلة دائماً، ونادر ما تلقى سنة ينزل فيها عدد كبير من ألعاب الآكشن. ألعاب الآكشن عادةً ما تبيع كثير، وهذا سبب يخلّي الشركات ما تفكر كثير انها تسوي ألعاب آكشن، وتحط ميزانيتها وجهدها في أنواع ألعاب ثانية ممكن تجيب لها فلوس أكثر.
بسبب قلّة ألعاب الآكشن اللي نزلت هذي السنة، اضطرينا نضم ألعاب احتوت على عناصر آكشن معيّنة وخاصة فيها، وماهو بالضرورة تكون ألعاب آكشن بالمعايير اللي نعرفها.
- inFAMOUS Second Son
- Hyrule Warriors
- Sunset Overdrive
- Bayonetta 2
لعبة سنسيت أوفردرايف كانت من ألعاب الآكشن الرائعة اللي استمتعنا فيها، عناصر الآكشن فيها كانت واضحة. نفس الشي بالتمام مع لعبة انفيموس، ولكن انفيموس كانت تختلف شوي ولها أسلوبها الخاص. لعبة هايرول ووريورز ما كانت قد المستوى المأمول برضه، لكن مستوى الآكشن فيها كان مقبول جدًا، ولو انه يضل نوع آكشن مختلف.
أما بالنسبة لبايونيتا 2، فالوضع مختلف تماماً. هذي لعبة الآكشن بالمعايير اللي نعرفها ونحبها، بحيث قدرت اللعبة تعطيك جرعة آكشن هائلة نادرًا ما تلقى مثلها في الألعاب. على ان مشهور -وهو عاشق للسلسلة- ما كان راضي عنها مره، الا ان الفريق بشكل عام يشوف انها لعبة آكشن من الطراز العظيم، بحيث تبدأ اللعبة بمستوى هائل وتحافظ على هالمستوى الى النهاية، وكأن اللعبة عارفه نفسها وواعية انها لعبة آكشن، ولازم تعطي اللاعب جرعات ورا جرعات آكشن بدون توقف.
عشان هالأسباب، اخترنا لعبة بايونيتا 2 كأفضل لعبة آكشن استمتعنا فيها هالسنة.
وش أفضل لعبة آكشن لعبتها هالسنة؟
