ثامر الفريجي 
نزل اليوم ديمو الجزء الثاني من لعبة بايونيتا الحصري على جهاز الوي يو على المتجر الامريكي وجربته، وحشارككم تجربتي وملاحظاتي عليه.
الديمو حجمه حوالي ٨٠٠ ميجا بس والجهاز يسمح لك تشغله ١٥ مرة فقط، وتم تحميلة وتثبيته بسرعة وبدون مشاكل .
الرسومات (جرافيكس) وسرعة الاطارات
الجرافكس مثل الجزء الاول بالضبط ما لاحظت اي تغيير، مازال الجرافكس الياباني الكلاسيكي اللي اعتدنا عليه من اغلب مطورين العاب الاكشن اليابانيين صحيح انه قديم شوي لكن مازال جميل.
وايضا اللعبة على شاشة القيم باد طالعة جميلة جدا واقل تكسير بالحواف وهذا بسبب ان دقة اللعبة اعلى من دقة القيم باد .
اما بالنسبة لسرعة الاطارات فصار فرق واضح جدا .. ستين اطار بالثانية يعني ضعف نسخة الجزء الاول على البلايستيشن ٣ ( نسخة الجزء الاول على الاكسبوكس ٣٦٠ كانت ستين فريم ) .. ومع القتال والزحمة اللي صارت بالديمو ما لاحظت اي تغير بالفريمات وهذا شي ممتاز جدا واثبات على
قوة الوي يو ! وصدقوني بعد الستين اطار اللعبة صارت اصعب بكثير بسبب ان الجزء الاول على البلايستيشين ٣ كان في ضعف بالفريمات وبسببها كانت اللعبة بطيئة وهذا ساعدني اتجنب ضربات الاعداء واقتلهم بسهوله اما الان فعانيت
مع الاعداء الاكبر وصاروا يحتاجون منك سرعة وتركيز اعلى .
عالم اللعبة والشخصيات والاشياء الاخرى
اما عالم اللعبة فهو مختلف عن الجزء الاول، على الاقل من اللي شفته بالديمو. بدأت المرحلة فوق طيارة حربية ! تطير بين المباني ! وهذا الشي موغريب على بايونيتا دايم اماكن القتال فيها مميزة .
الشخصية نفسها لكن تغيرت شوي عن الجزء الاول من ناحية اللبس والشعر لكن مازالت مثل مايقول محمد الشريف ( هلااااااااااا والللللللللللله ) 🙂
اما الحوارات والتمثيل ماشفت شي كثير ، الشخصية تكلمت مرات بسيطة ونفس مستوى الجزء الاول ماشفت شي جديد او شي يخليني احكم عليها بالشكل الصحيح فحترك هالشي بعد تجربة النسخة الكاملة. اما الاصوات فهي نفسها سواء اصوات الشخصيات او المؤثرات الصوتية لكن لاحظت الاصوات تصير ضعيفة شوي وقت القتال مع الوحش الاخير واتوقع مجرد عيب بالديمو ولايأثر على التجربة ابدا.
التحكم
التحكم ممتاز وموزع بشكل ممتاز حتى للي لعبو الجزء الاول على الاجهزة الاخرى ماراح يواجهون اي مشاكل او صعوبات لكن الشي الجديد ان في تحكم باللمس ( بالقلم ) ولاتخاف تقدر تختار التحكم الكلاسيكي او اللمس وايضا تقدر تستعملهم الاثنين.
بنفس الوقت بدون الحاجة للدخول للأعدادات .. وتحكم اللمس اعطاني تجربة جديدة كليا كشخص لعب الجزء الاول وكان ممتاز لكن عيبه الوحيد انه سهل اللعبة بشكل مبالغ فيه لدرجة انه يفقدك متعة التحدي اللي في اللعبة .
القتال
القتال ممتاز والحركات اللي بالديمو نفس اللي بالجزء الاول ( اتوقع ماحبو يعرضون الاشياء الجديدة كلها بالديمو ) لكن ضربات التعذيب وضربات الكلايماكس جديدة كليا عن الجزء الاول ومازالت بنفس الجودة لكن ماشفت شي يخليني اقول واو.
وايضا ماشفت اي سلاح لا جديد ولا قديم .. فقط المسدسات واتوقع عشان مايصير حرق ايضا .. والحلوى اللي تاكلها الشخصية عشان تزيد الحياة او القوة لمدة محدودة هي نفس الجزء الاول بالضبط .. يمكن في اشياء جديدة في النسخة النهائية.
الزبدة
الديمو قصير جدا وللأسف عبارة عن قتال حماسي فقط مافي مدينة تتمشى فيها او اي شي وجربته ثلاث مرات مرة على شاشة كبيرة ومرتين على الجيم باد
ايضا انا شفت بالفيديوهات الماضية حقت الجزء الجديد اشياء جديدة في اللعبة لكن ماجابوها بالديمو للأسف .. السبب اللي اتوقعه انهم مايبون يحرقون على اللاعبين
و كان ودي يصير عليها تغيير شامل في الجرافكس وتصير شي ينافس العاب الجيل الجديد لان فكرتها والنمط الفني حقها ممتاز جدا وقابل للتطوير بسهولة
لكن على الاقل سعيد ان مستوى اللعبة بشكل عام مانزل عن الجزء الاول وصارت بدون اخطاء ومشاكل خصوصا ان الناس كانوا خايفين تصير اسوأ بسبب حصريتها على الوي يو
هل انصح باللعبة ؟ انا انصح تجرب الديمو اول .. واذا اعجبك لازم تلعب الجزء الاول قبل فانتظر صدور اللعبة لانه بيجي مع احد النسخ الجزء الاول ايضا محسن وستين فريم
اما اللي لعبوا الجزء الاول فأقولهم بكل اختصار نفس التجربة الممتازة مع فريمات اعلى وبدون مشاكل تقنية وتستحق الشراء .. والعبوا الديمو كتصبيرة
انتم وش رايكم ؟ حاب اعرف انطباعاتكم خصوصا للي لعب الجزء الاول وجرب الديمو .
بارعة
أيمن اليغشي
