كثير من اللاعبين، خصوصاً بعض اللي لعبوا الألفا للعبة Battlefield: Hardline، يتهمون مطوّري اللعبة بأنها ماهي لعبة كاملة وانها مجرد “اضافة” لباتلفيلد 4. اليوم طلع مطوّر اللعبة يرد على هذا الموضوع.
الاتهامات كانت بخصوص التشابه الكبير بين اللعبة وبين الجزء اللي قبل باتلفيلد 4، خصوصاً الشبه التقني وطريقة اللعب وواجهة الاستخدام وميكانيكيات اللعب والمحرك. يقول آندرو ويلسون المدير التنفيذي لشركة EA: “حنا حالياً نسوي تغييرات جوهرية بخصوص هالأشياء (يقصد الأشياء المتشابهة)، أما بالنسبة لواجهة الاستخدام، فحنا نبغى اللعبة تكون شبيهة بقوائم باتلفيلد. حنا دائماً نسمع للجمهور وناخذ آراءهم، لا زال عندنا وقت قبل لا نطلق اللعبة”.
سألوه في المقابلة بخصوص اطلاق هاردلاين كاضافة أو توسعة لباتلفيلد 4 بدل ما تكون لعبة كاملة، يقول آندرو: “العرض اللي شفتوه في E3 كان مجرد شي بسيط من اللعبة. حنا خرايط وأسلحة وأدوات كثيرة، وعندنا برضه أطوار لعب جديدة”.
قبل أمس صرح نفس الشخص عن عدم رضاه باطلاق باتلفيلد 4، واليوم الصبح تكلم عن عدم وجود نية لاطلاق باتلفيلد بشكل سنوي، والآن يدافع عن هاردلاين. يبدو ان سمعة لعبة باتلفيلد تعاني معاناة كبيرة مؤخراً.
وش تتوقع سبب التصريحات هذي، ووش الحل اللي تشوفه مناسب لها؟
