محمد الشريف
اذا كنت من الناس قرّرت تأجّل لعبها لباتلفيلد 4 -مثلي -بسبب كثرة المشاكل اللي فيها، عندنا لك أخبار سعيدة: في بداية شهر فبراير، بينزل تحديث ضخم للعبة.
التحديث هذا بيشمل تصليحات كبيرة للعبة، مثل العمل على استقرار اللعبة من الناحية التقنية، بمعنى ان عدد الأخطاء التقنية اللي تشوفها في اللعبة بتكون أقل. وعدت EA برضو ان التحديث بيصلح “المشاكل التقنية اللي اشتكوا الناس منها من زمان”. التحديث هذا بينزل على جميع الأجهزة اللي نزلت عليها اللعبة.
باتلفيلد 4، من نزولها للسوق وهي تعاني من المشاكل التقنية الكبيرة. المشاكل اللي واجهتها كانت كبيرة الى درجة اني اضطريت أتخلى عنها مؤقتاً انا والرفقاء والمحاربين اللي ألعب معهم أونلاين. أقدر أقول بكل بساطة ان هذا الجزء من باتلفيلد هو أكبر جزء أحبطني.
من المشاكل اللي واجهتها حسب تجربتي في نسخة بلاي ستيشن 4 كانت مشاكل السيرفر (وهذي مشاكل يبدو انها صارت عادة يسوونها كل مرة)، ومشاكل تقنية مزعجة جداً مثل التقطيع أثناء اللعب، وهو تقريباً هبوط كبير في عدد الاطارات اذا لفّيت الكاميرا يمين أو يسار. هذا العيب فعلياً كرّهني في اللعبة، وخلاني أتجّه لكيلزون KillZone: Shadow Fall كلعبة الأونلاين الأولى بالنسبة لي.
وش المشاكل اللي واجهتها في تجربتك للعبة باتلفيلد 4؟ شاركنا رأيك في التعليقات
احمد خالد
بارعة
