محمد الشريف
مستعد للقتال الحربي الواقعي مرة ثانية؟ اليوم يبدأ بيتا باتلفيلد، وجبنا لكم جميع التفاصيل عنها!
أعتقد الكثير متحمّس يعرف المعلومات بدون أي ممهدات، عشان كذا خلنا نبدأ:
- البيتا بيكون موجود على Xbox 360, PS3, وPC عن طريق خدمة Origin.
- اللعب بيكون في خريطة حصار شنجهاي The Siege of Shanghai.
- الأطوار (game modes) بتكون Conquest و Domination اللي تتميّز بكثرة عدد اللاعبين.
- بامكانك تجرب خاصية Levelution اللي أعلنوا عنها قبل فترة! وهي عبارة عن “تفاعل ديناميكي مع اللاعب في البيئة بحيث تغيّر عليه التجربة حتى لو كان اللعب في نفس الخريطة”.
- بامكانك تجرب خاصية Battle packs وهي عبارة عن ترقيات تقدم للاعب أسلحة وأدوات عشوائية مع تقدمهم في طور تعدد اللاعبين.
كيف تنضم للبيتا؟ يبغالك تكون مسوي واحد من هذي الأشياء:
- طالب Battlefield 4 نسخة Deluxe Edition.
- مشترك في خدمة Battlefield 3 Premium.
- مشتري لعبة Medal of Honor: Limited Edition أو نسخة Digital Deluxe Edition.
هذا بالنسبة للي متحمسين يبدأون اللعبة بدري، أما بالنسبة للبيتا اللي بينزل لباقي الناس (open beta)، راح ينزل في 4-10-2013 يعني بعد ثلاث أيام من نزول هذا الموضوع.
لا تنسون ان الجزء الرابع راح يدعم محركهم الجديد Frostbite 3 واللي يدعم تفجيرات أكبر وأكثر في البيئات! ومن باب التذكير، اذا كنت ناوي تشتري اللعبة على أجهزة الجيل القادم برضو، فكل اللي تحتاج تسويه انك تدفع عشرة دولار زيادة وبتحصل على النسخة حقة الجيل القادم. هذا اذا كنت مشتري نسخة الجيل الحالي طبعاً.
قد شفت مميّزات المحرك الجديد؟ هذا فيديو يشرح لك كل المميزات:
مو بس كذا! اذا كنت مرة متحمس مع الجزء الرابع، فبامكانك تشترك في خدمة Battlefield 4 Premium بقيمة خمسين دولار. تقدم لك هذي الخدمة محتويات جديدة باستمرار من ضمنها خمس حزم توسيعية (expansion packs) تحصل عليها قبل الناس، مثل خدمة بريميوم اللي قبل بالتمام.
أخيراً، اللعبة بتنزل في الشرق الأوسط بتاريخ 29-10-2013 على أجهزة Xbox 360, PS3 و PC. وبتنزل على Xbox One وPS4 في 15-11-2013!
وش توقعاتك لباتلفيلد 4 هذي السنة؟ شاركنا برأيك في التعليقات!
احمد خالد
بارعة
أيمن اليغشي