خالد عبدالله
كثرت اعلانات لعبة Batman Arkham Knight في الفترة الأخيرة، وقبل ساعات Rocksteady نزلوا تفاصيل أكثر عن الجزء القادم، حاولت ألخصها لكم في هذي النقاط:
- لو تذكرون أول في الأجزاء السابقة في اللعبة كانوا بعض الأعداء يقاتلون بعضهم البعض مو بس باتمان، وهذا الي راح يتغير في الجزء الجديد بإنهم راح يتحدون كلهم لمقاتلة باتمان. لكن لا تتوقع ان اتحادهم حيطول كثير.
- المهمات الجانبية في هذا الجزء راح تكون الزامية في البداية عشان تعرفك بالشخصيات وبعدها لك الحرية في انك تكملها او تسحب عليها وراح يكون لها علاقة بالقصة الرئيسية.
- كل رئيس من الأعداء له هدف يبي يوصل له، طبعاً على رأسهم العدو الأول Scarecrow الي أمنيته يقضي على أسطورة باتمان بالكامل، Riddler يحاول يثبت انه يملك عقلية عبقرية تتفوق على باتمان وهكذا بقية الأعداء كل واحد فيهم له هدف محدد و اهدافهم تتقاطع جميعها في القضاء على باتمان.
عن نفسي ماكنت من مدمنين اللعبة لكن لي نية قوية أجرب الجزء الجديد، خصوصاً بعد ماقال رئيس التسويق Dax Ginn: “إنها أكبر لعبة صنعناها حتى الآن”. وش رايك بالنقاط الي ذكروها عن الجزء القادم؟
أيمن اليغشي
بارعة
