أحمد قربان
لعبة باتمان اركام نايت (Batman: Arkham Knight) تم اصدارها عالميا، ونسخة البي سي فيها مشاكل كثير حسب كلام اللاعبين اللي جربوها.
المشاكل في نسخة البي سي هي نوعين، النوع الاول مشاكل في ملفات اللعبة نفسها، و النوع الثاني هو مشاكل في اداء اللعبة.
مشكلة الملفات واجهها اللاعبين اللي نزلوا اللعبة قبل موعد اطلاقها بحيث ان اللعبة كانت ناقصة لما نزلت عندهم، و مشكلة الاداء واجهها اللاعبين اللي يستخدمون بي سي فيه كرت شاشة AMD بحيث ان الفريمات بتنزل بشكل شنيع عندهم.
اللاعبين يقولون ان هبوط عدد الفريمات يصير لهم لما يطيروا (Gliding) او يسوقوا السيارة. لاعبين عندهم كروت انفيديا GTX 980 و GTX 970 واجهوا بعض المشاكل هذي. ايضا بعض اللاعبين واجهتهم مشكلة ان اللعبة ثبتت الفريمات على 30 فريم بالثانية.
اذا واجهتك مشكلة تثبيت الفريمات تقدر تعدلها بحيث انك تروح لمكان تثبيت اللعبة و تبحث عن ملف اسمه BMSystemSettings.ini وداخله ملف اسمه maxfps وتعدل الامر اللي فيه من 30 الى 60.
للأسف ان حتى اللاعبين اللي ماجاتهم مشاكل قوية في اداء اللعبة وضحوا ان فيه مشكلة في الفريمات بحيث انها غير ثابته ابدا حتى اذا كان اللاعب تارك اللعبة بدون اي حركة.
مطوّر اللعبة اعترف بالمشاكل وقال: “حنا ندري ان فيه بعض اللاعبين يواجهون مشاكل في نسخة البي سي. حنا ماخذين الموضوع هذا بجدية تامة”.
اتضح برضه ان فيه ستديو شارك في تطوير نسخة البي سي للعبة، تحت اشراف روك ستيدي.
شيء غريب صراحة هذي المشاكل واعتقد ان المطور ركز على نسخة الاجهزة المنزلية ومااهتم كثير في نسخة البي سي.
احمد خالد
Saudi Gamer
