في سلسلة من الفيديوات اللي أطلقها مطوّر اللعبة، ذكر ستديو تطوير RockSteady ان لعبتهم الضخمة القادمة Batman: Arkham Knight ما راح تحتوي على أي شاشة تحميل (loading screen) داخل اللعبة.
” ما راح يكون فيه أي شاشة تحميل خلال لعبك في اللعبة على الاطلاق. تقدر تلعب اللعبة من أولها الى آخرها بدون أي شاشة تحميل”.
اللعبة شكلها بتكون مبهرة تقنيّا، لعبة عالم مفتوح بدون أي شاشة تحميل. هذا غير شكل اللعبة اللي يبدو -بناء على اللي شفناه- رائع.
تكلم ستديو التطوير برضه عن New Game Plus (تعيد اللعبة من جديد بعد ما تنتهي منها ببعض الميزات):
” اذا بدأت نيو قيم بلس، راح ينتقل معك كل نقاط الخبرة (XP) اللي حصلت لعيها في اللعبة اللي قبل، وبتاخذ كل الأدوات (gadgets) اللي حصلت عليها برضه. هذا نعتبره شي مهم لانه بيصير بامكانك تخلص التحديات اللي في بداية اللعبة باستخدام أدوات وأشياء ما كانت مووجودة معك قبل”.
وش رأيكم في شغل روك ستيدي، بناء على اللي تقراه وتسمعه عنهم؟
