محمد الشريف
يبدو ان لعبة باتمان: آرخم نايت بتحتوي على أشياء دموية وبعض من السب اللي ما يصلح الا للبالغين.
تم تقييم اللعبة من ESRB (جهة مختصّة بوضع تقييم عمري لكل لعبة) بتقييم M وتعني للبالغين فقط، وهذي أول مرة تصير في سلسلة باتمان اللي من تطوير Rocksteady.
بالنسبة لتصريح المطوّر، فيقول Sefton Hill مؤسس روك ستيدي:
” ما قد كتبنا لعبة وحنا حاطين في بالنا تقييم عمري معين، ما قد سوينا هذا الشي في ألعاب باتمان السابقة”.
تكلم سيفتون هيل عن الجزء الأخير لثلاثية باتمان، يقول:
” مع نهاية الثلاثية، بتشوفون ان كل الأعداء في مدينة Gotham مجتمعين عشان ينهون باتمان. لا بد ان فيه حدث سيّء يصير في القصة. هذا كله ما يعني اننا غيرنا طريقتنا تماماً، ما راح نحط مقاطع دمويّة أو سب وشتم بدون سبب. نبي نوصّل اللاعب لنهاية حقيقية وفعلية، وهذا شي يتطلب اننا نتطرّق لنواحي مظلمة في اللعبة”.
يقول سيفتون انه ماهو متفاجئ من التقييم العمري اللي طلع، واعترف انه فيه مجموعة من الناس (اللي تحت عمر 17) ما راح يقدرون يلعبونها بما انهم ممنوعين منها، لكنه ذكر انهم ما يبغون يخففون القصة وأحداثها فقط عشان يوصلون لأكبر جمهور ممكن.
أخيرًا، بتنزل لعبة الرجل الوطواط: فارس الرخوم في 2-6-2015. تعتبر اللعبة من أضخم اصدارات هذي السنة.
وش رأيك في تصريح سيفتون هيل؟
احمد خالد
بارعة