محمد الشريف
من أرهب الألعاب اللي جربناها في المعرض على الاطلاق، ويبدو ان باتمان: فارس الرخوم فعلاً انتقلت خطوة للأمام بعد رجوعها للمطوّر روك ستيدي.
أول شي لاحظناها، مثل أكثر ألعاب الجيل الجديد، الرسومات الرائعة. كل شي في الجرافيكس كان رائع، والشكر موصول للنسخة المعدلة من محرّك Unreal Engine الجديد.
من التغييرات الرهيبه في طريقة اللعب، هو تطوير الأداة اللي “تسحب” باتمان الى أماكن أعلى. الآن بامكانك تنتقل من مكان الى مكان أعلى بشكل أسهل، وهو انك قبل لا توصل للمكان اللي أنت متجه له وأنت في الهوا، تضغط زر اكس اكس وأنت مصوّب على جهة أعلى، وبتنتقل لها على طول. من زمان كان لازم توصل للمكان اللي أنت متجه له، بعدين تقدر تروح لمكان أعلى.
فيه برضه ضربة اسمها Fear Attack، وهي سلسلة ضربات لأكثر من عدو ورا بعض، تقدر تسويها في حال ما كانوا منتبهين لك. كل اللي تحتاج تسويه هو انك توصل لمكان قريب شوي من أحد الأعداء، وتختار ضربة فري أتاك وبتلاحظ ان باتمان ضرب العدو الأول بلقطة بطيئة، دورك هنا انك تحاول تلقى العدو الثاني القريب وتضغط اكس بحيث باتمان يروح على اللي بعده ويضربه، وهكذا.
فيه من التغييرات اللي سووها في القتال هو استخدام باتمان لأشياء كثيرة موجودة حوله في البيئة. قدرنا نستخدم اللمبات اللي في الغرفة أثناء قتالنا مع الأعداء، بحيث طيحناها فوق راس واحد من المساكين.
طيب، نبدأ بالأشياء الرهيبه؟ البات موبيل، أو السيارة اللي بتستخدمها في اللعبة. السيارة تم دمجها في اللعبة بشكل أساسي، بحيث تستخدمها في أشياء كثيرة جداً.
أولاً طريقة التنقل فيها ممتازة ولا فيها فلسفة، لكن المميز فيها هو انها عندها “وضعية قتال” بحيث يتغير شكل السيارة (ويتغير التحكم برضه) ويطلع منها رشاشات. طريقة القتال فيها أركيدية وممتعة، ولا حسينا بالملل فيها. برضه تقدر “تنادي” البات موبيل من أي مكان في المدينة تقريباً، بحيث تضغط L1 وتنتقل للسيارة. تقدر برضه تترك باتمان وتصير تتحكم بالسيارة لحالها، وهذا شي رهيب.
لاحظنا ان استخدامات البات موبيل أساسي مرة في اللعبة وحدة من المهمات اللي شفناها اضطرينا نستخدم البات موبيل في سحب مصعد، لان ما فيه كهرباء في المبنى. برضه وحدة من المهمات كان لازم نستخدم الباث موبيل في تدمير دبابات عشان نوصل للمنطقة اللي بعدها، وهكذا.
باتمان: فارس الرخوم متفائلين فيها جداً، واحتمال انها تكون قنبلة مثل جزء باتمان: مدينة الرخوم. بتنزل باتمان: فارس الرخوم في 2015 على بلاي ستيشن 4، اكس بوكس ون، بي سي.
أيمن اليغشي
بارعة
احمد خالد
