أولاً في حال ما لحقت على معايدتنا الخنفشارية (او الخلفية الرهيبة)، فأحب أقول لك كل عام وانت بخير بعد الزحمة.
كنا ماخذين بريك في الفترة الأخيره مع نهاية رمضان والعيد بسبب ألتزاماتنا الكثيرة في هالفترة. لكن الآن بنرجع وبقوه ان شاءالله.
في هذا الموضوع بعطي تحديثات سريعه بخصوص النشاطات اللي بنسويها في شهر اغسطس ان شاءالله:
- البودكاست راح يرجع يوم 18 اغسطس، مع مقدمة جديدة (أخيراً!).
- تغطيتنا لمعرض Gamescom في المانيا بتبدا من يوم 20 اغسطس، والأكيد اننا بنجيب تفاصيل جديدة عن البلايستيشن 4 والاكس بوكس ون. تفاصيل أكثر عن تغطيتنا قريباً.
- البث المباشر اللي نسويه كل يوم اثنين راح يرجع يوم 2 سبتمبر ان شاءالله بسبب انشغالنا في تغطية المعرض. لكن كالعاده ما يمنع نبث فجأه في أي وقت.
- بالنسبة للمتجر فراح يكون التطوير بطيء عليه شوي الى منتصف سبتمبر تقريباً أيضاً بسبب المعرض. ماش هالمعرض راح يشغلنا مضبوط!
- قناة اليوتيوب بترجع تنزل فيها الفيديوهات من بكره (الثلاثاء) ان شاءالله.
وفيه أشياء رهيبه جايه بالطريق بس مابي أحرق عليك المفاجأه 😉
ان شاءالله يعجبك اللي نبي نقدمه في الفترة الجاية!
