محمد الشريف
ممثلة صوت إيلي من لعبة ذا لاست أوف أس، آشلي جونسون، زعلانة على لعبة أساسنز كريد بسبب ان اللعبة مافيها شخصيات بنات تلعب فيها.
اشتكت آشلي من كون ألعاب الفيديو مافيها شخصيات أنثوية كثير، تقول آشلي: “أنا داخله في هالمجال (مجال ألعاب الفيديو) كممثلة ولاعبه في نفس الوقت. أساسنز كريد مثال كبير لسالفة اني كل ما شفت لعبة تعجبني أكتشف ان ما فيها شخصيات أنثوية ألعب فيها. هذا شي زعلني، ترا فيه بنات يلعبون، ما أدري كم نسبتهم بالضبط لكنهم كثيرات، وبيكون شي جيّد اننا نشوف شخصيات أنثوية بدور أقوى، مو بس حاطينها في دور بنت تحبها أو بنت تظهر بشكل مخل بالآداب”.
قضية الشخصيات الأنثوية في ألعاب الفيديو موضوع حامي في المجتمع الغربي، البنات زعلانين من سالفة ان الألعاب اما تشيل الشخصيات الانثوية بالمرة، أو انها تحطها على ان البطل يحبها وينقذ العالم عشانها، أو يحطونها بدور مخل بالآداب. بعض الناس يعتقد ان لعبة The Last of Us أظهرت البنات بشكل جيد في ألعاب الفيديو، بحيث شفنا شخصية Ellie تقوم بدور رئيسي باللعبة بدون ما تاخذ دور بنت تنحب أو بنت تظهر بشكل مخل بالآداب.
وش رأيك تجاه هالموضوع الشائك، وش الدور اللي تشوفه مناسب للبنات في ألعاب الفيديو؟
بارعة
احمد خالد
أيمن اليغشي