مشهور الدبيان
قبل ما أجاوب على هالسؤال، بتكلم بشكل سريع عن لعبة متصفّح جربتها مؤخراً اسمها “الباشق“. هذي أحد الالعاب المتصفّح الكثيرة اللي جربتها في الفترة الماضية، وهي تعتمد أسلوب ألعاب الـMMO.
أكثر شيء لفت انتباهي في هاللعبة تحديداً هو السرعة الخرافية اللي تبدأ فيها اللعبة (بدال ما تجلس تحمل ملفات كبيرة). في أقل من دقيقة قدرت ابدأ اللعب، وانبهرت بالمؤثرات الصوتيه والمرئية اللي شفتها. ما تقارن بألعاب البي سي طبعاً، لكن الواحد اذا جا يشغّل لعبة متصفّح خفيفة زي كذا يتوقّع بيشوف شي تعبان. والغريب أنها اشتغلت بشكل جيّد على اللابتوب حقي بعد (الترابوك). صحيح فيه تقطيع ينرفز احياناً، لكن ماهو شي يعيقك عن اللعب.
التعريب تعتبر نقطة قوة ثانية في هذي اللعبة، وهالشي يتيح لعدد أكبر من الناس انهم يستفيدون من اللعبة بشكل أفضل، ولو ان الخطوط والكتابة تحتاج اهتمام أكبر.
بالنسبة للعب: شخصياً اجرب هالألعاب لانها ببلاش بس (لعلي القى شي كويس لسلسلة الألعاب المجانية في قناتنا)، مو لأني احبها، فما أفهم كثير في ألعاب الـMMO. لاحظت ان اللعبة ما تقدّم لك الواجهه حقتها بشكل يسهّل لواحد مثلي يفهم كيف يلعبها، يعني تخليك تتعامل مع كل شي دفعه وحده. ومع اني استمتعت في القتال وتجميع الاشياء، الا انه حسيت فيه أشياء كثير مادري وش فايدتها في الواجهه، أو انه اشياء ما اقدر أستفيد منها أساساً في المرحلة الحالية.
كان فيه عدة أشياء أفكّر فيها وانا أجرّب اللعبة: ما تشبّع السوق من هالألعاب؟ هل اللي يلعب MMO بيكون شخص يبي يلعب أكثر من لعبة بنفس الوقت ويجرّب ألعاب جديدة باستمرار؟ أو أنه بيكون شخص يدور على اللعبة اللي تعجبه عشان يستثمر كل وقته وجهده وفلوسه فيها؟
وصحيح اللعبة جداً خفيفة ومعرّبة وتعتبر ممتازة بالنسبة للعبة متصفّح مجانية، بس كم عدد اللي يلعبون MMO هالأيام مقارنة بنسبة اللاعبين اللي يلعبون ألعاب الجوال أو ألعاب التصويب بس؟ هل راح تنتشر فكرة هذي الالعاب ويزيد عددهم بشكل تدريجي أو ما زالت الفكرة جديدة؟ أو انه ما راح يزيد عليها الاقبال من الأساس؟
كلامي ماهو مبني على احصائيات وارقام، هو مبني فقط على اللي نشوفه من المتابعين ومن الناس اللي حولنا، وهذا أحد الأسباب اللي دعاني أكتب الموضوع: هل تشوف ان لعبة متصفّح زي “الباشق” أو غيرها من ألعاب الـMMO ممكن تستهويك وتلعب فيها؟ ووش بيكون الدافع انك تسوي هالشي بدال ما تقضي وقتك على ألعاب الجوال أو الاجهزة المنزلية؟
شاركنا برأيك في التعليقات!
(بالمناسبة، اذا مهتم بلعبة الباشق اللي تكلمت عنها فهذا فيديو من قناتهم يشرح كيف تسجّل فيها)
بارعة
احمد خالد
ابراهيم سليمان