أخبار

احصائيات رهيبة عن ستيم

steam

ستيم (Steam) مثل مانعرف شبكة تعطي لاعبين اجهزة البي سي (PC) العاب مخفضة و كثيرة وبعضها حصرية. موقع هولندي سوا دراسات واحصائيات عجيبة عن اللاعبين في هذي الشبكة. خلينا نشوف الاحصائيات.

احصائيات اللاعبين على ستيم

ملاحظة: اي رقم في الاحصائيات هو نسبة مئوية وليس عدد.

 

احصائيات لعبة بيو شوك انفينيت (Bio shock Infinite)

احصائيات سلسلة كول اوف ديوتي (Call Of Duty)

مثل مانشوف  في الصورة، فوق كل جزء مكتوب نسبة اللعب بعد فترات متباعدة، ونلاحظ انه سلسلة بلاك اوبس (Balck ops) غير ناجحة على اجهزة البي سي، وفي معلومة غريبة انه الحاصلين على جوائز في اللعبة (Achievements) كانت اغلبها على لعب الاوفلاين وكانت اكثر من جوائز الاونلاين.

احصائية عن لعبة لمبو (Limbo) وتقول انه 64.5% من اللاعبين ماقدرو يجيبو جائزة الاتجاه الخاطئ، اللي طريقته انك تمشي على اليسار لمدة 4 ثواني فقط!

احصائيات العاب الرعب اللي هي ديد ايلاند (Dead Island) و ليفت فور ديد 2 (Left 4 Dead 2) و ديد ايلاند ريبتيد (Dead Island: Riptide) بنشوفها في الصورة الجاية:

الاحصائية اللي فوق  تبين نسبة اللاعبين اللي نزلو اللعبة ومالعبوها، حتى بعد التخفيضات اللي صارت و بعد كل شي العاب الرعب انسحب عليها من اللاعبين، واضح انه محد وده يلعب شي يخوفه ويرعب نفسه على الفاضي.

احصائيات عن شركة سكوير اينكس (Square Enix) والعابها

هذي الاحصائية تبين نسبة الناس اللي انهو العاب سكوير انيكس، طبعا تومب رايدر متصدرة وتستاهل.

احصائية ثانية عن لعبة اسمها نابليون توتال وار (napoleon total war) تقول انه هذي اللعبة هي اقل لعبة ما انلعبت من اللاعبين وبرضو هي اقل لعبة ختموها اللاعبين.

احصائيات عن اقل واكثر 10 العاب تم لعبها على الشبكة

نلاحظ انه حتى الالعاب اللي عليها تخفيض مااتلعبت وانه الالعاب اللي تتلعب هي اللي تكون مرغوبة من قبل اللاعبين و منتظرينها بفارغ الصبر.

لعبة سكايرم (Skyrim) اثبتت انه اللعبة الاسطورية تبقى اسطورية بحيث انه 32.2% من اللاعبين انهو المهمة الرئيسية فيها، و هي تواجدت في قائمة اكثر الالعاب اللي اتلعبت في ستيم لاكثر من سنتين.

لعبة ديدبول (Deadpool) هي اكثر لعبة انهوها اللاعبين. هذي اللعبة من شركة اكتيفشن (Activision) صار لها مشاكل في الحقوق واتمنعت، لكن اللاعبين مازالو يمتلكوها واحصائياتها دقيقة جدا. اهم احصائية فيها انه 54.3% من اللاعبين عدوا نص اللعبة وفي طريقهم انهم يخلصوها كاملة.

احصائيات لعبة بندنق اوف ايساك (Binding Of Issac) وادمانها

احصائيات لعبة فوتبول مانجر (Football Manager)

احصائيات عن لعبة ميترو (Metro)

احصائيات عن اختيار صعوبة اللعبة

احصائية عن لعبة فول اوت نيو فيقاس (Fallout: New vegas) تقول انه 4.9% من اللاعبين انهو طريقة الهاردكور (hardcore mode) وانه هذا المود تعب اللاعبين بشكل مهول!.

احصائيات عن لاعبين لسه ماشافو نهاية العابهم

احصائية عن لعبة قن بوينت (Gunpoint)

اللعبة فيها طرق مختلفة لقتل الرئيس الاخير، خلينا نشوف اش اكثر واقل طريقة استخدموها اللاعبين:

اخر احصائية عن ناس غريبين اظنهم من عالم ثاني، ناس سووا انجازات رهيبة واقليات للاسف، خلينا نشوف:

في الختام احصائيات غريبة ورهيبة من اللاعبين اللي هم احنا. واضح اننا مانحب نتعمق في اللعب وهمنا نخلص اللعبة باسرع وقت. بالنسبة لي يصير لي كذا لما اللعبة تكون سيئة وما انبسط فيها، لكن في العاب ماودك تخلص وتندم لما تختمها.

اش رايكم في الاحصائيات؟ واش اغرب احصائيات موجودة؟ واذا عندك وجهة نظر مختلفة اتفضل وشارك.

المصدر

الوسوم
اظهر المزيد

أحمد قربان

طالب جامعي ، يدرس في جامعة الملك عبدالعزيز بجدة ، تخصص هندسة صناعية ، اعشق العاب البلايستيشن و مدمن فيفا ، احب العاب الاكشن و المغامرات واي لعبة فيها كريتفتي او شيئ جديد
إغلاق