قد فكرت بلعبة سعرها يختلف بعد كل فترة، وعوامل تغيير السعر هو درجة الحرارة؟ هذي فكرة جديدة قدمتها لعبة A Good Snowman is Hard to Build.
اللعبة ممكن تشرح بعض منها من خلال اسمها، اللعبة هي لعبة ألغاز، فكرتها بشكل أساسي هو انك تكوّن رجل ثلجي من الثلج الموجود عندك في المرحلة. تقدر تشوف العرض حق اللعبة عشان تفهمها بشكل أفضل:
فكرة اللعبة جيّدة، ولو انها تبدو كلعبة ألغاز عادية. اللعبة مظهرها جميل وجذاب، تقدر تطقطق عليها متى ما صرت تبغى تلعب لعبة ألغاز من طراز شاطح شوي.
الأهم من هذا كله، ان سعر اللعبة فعلاً يعتمد على درجة الحرارة، ولكن في لندن. ليش لندن بالذات؟ لأن المطوّر عايش هناك 🙂
مخترع اللعبة عنده خبرة لا بأس فيها في ألعاب الألغاز، عنده لعبة ألغاز قبل باسم Sokobond وتم اطلاقها في عام 2013.
سعر اللعبة الآن – ممكن يتغيّر بعد كم يوم اذا تغيّرت درجة الحرارة- هو 8 دولار، وهذا بسبب ان الحرارة الآن في المدينة اللي يعيش فيها مطوّر اللعبة هي 8 درجة مئوية.
أخيرًا، اذا ما حبيت هالفكرة الغريبة، بامكانك تشتري اللعبة بسعرها الثابت عن طريق ستيم واللي هو 12 دولار.
وش رأيك بفكرة السعر الغريبة؟
