أجمل لعبة (أفضل ألعاب 2013)

نقصد فيها أجمل لعبة بشكل عام، ويشمل هذا الرسومات والتصميم وكل شي له يساهم بأنه يخلي اللعبة جميلة بعينك.

موضة الرسومات في الجيل هذا هي الأقوى بكل بساطة، في سنة نشوف ألعاب تبذل كل ما عندها عشان تصير لعبتها صاحبة أقوى رسومات. Rayman Legends كانت من أجمل الألعاب اللي شفناها هذي السنة، صحيح ان أسلوب اللعب بسيط ولكنه أضاف الى جمال اللعبة بشكل عام. Legend of Zelda: Wind Waker HD رجعت لنا هذي السنة باعادة اصدار يسحر العين، بعد ما كانت اللعبة تسحرنا من الأساس على وقتها.

Resogun برضو من الألعاب الجديدة على بلاي ستيشن 4 واللي أبهرتنا بشكل هائل، بحيث اتفق الفريق ان هذي اللعبة هي أول لعبة تعرض لك الجيل الجديد بشكل حقيقي، الرسومات والمؤثرات والانفجارات، حتى موسيقى اللعبة أضافت الى جمال اللعبة! Tearaway طبعاً كانت من أجمل الألعاب اللي شفناها هذي السنة، فكرة تصميم عالم كامل بشخصياته من الورق بهذا الشكل كان شي مثير للاعجاب.

The Last of Us كانت هي اللعبة الأجمل هذي السنة. على ان عالم اللعبة مبني على أحداث خيالية يتدمر فيها العالم ويموت فيه أكثر الناس، وهذا شي غير جميل بطبيعة الحال، الا اننا انسحرنا بطريقة رسم وتصميم هذا العالم الغريب. غير كذا، اللعبة نزلت على بلاي ستيشن 3 ومع ذلك قدمت لنا مستوى رسومات ما قد شفنا مثله – على بلاي ستيشن 3- للآن! هذي الأسباب اللي خلتنا نختارها كأجمل لعبة شفناها في 2013.

وش رأيك في رسومات وتصميم The Last of Us؟ ووش أجمل لعبة شفتها هذي السنة؟ شاركنا رأيك في التعليقات!