مشهور الدبيان
أحد الاقتراحات المتكرّرة اللي تجينا بخصوص البودكاست هو استضافة مستمعين بحيث يشاركوننا في الحلقات. ما كان في حاجة كبيرة لهالشي سابقاً، لكن الآن شفنا أنه أفضل وقت لتنفيذ هالفكرة مع رغبتنا في تطوير وتجديد البودكاست، بالاضافة الى مواجهة بعض اعضاء الفريق لظروف مؤقته تمنعهم من الالتزام بشكل أسبوعي في الحلقات.
فابتداء من الحلقة الجاية ان شاءالله نبي نستضيف متابعين مثلك في حلقاتنا، وفي حال أثبت الضيف جدارته وأعجب المستمعين ممكن يستمر معنا في البودكاست بشكل أسبوعي. كل اللي نطلبه منك هو التالي:
- اجلس قدام كمبيوترك وانت مروّق ومتخذ وضعيتك المفضّلة. لا تتريق ترا مهمة هالخطوة.
- اشبك المايك اللي ناوي تستخدمه في حال دعيناك تسجّل معنا حلقة بودكاست.
- افتح اي برنامج تسجيل صوت (حق وندوز مثلاً) وخلال 60 ثانية فقط (أو أقل) قل لنا ليش تبي تشارك معنا، واذكر لنا وش هي لعبتك المفضّلة ووش الأشياء اللي أعجبتك فيها (نبي نشوف نظرتك للألعاب). استخدم نفس المايك اللي في خطوة 2، لا تستخدم جوالك. خلّك عفوي وعلى طبيعتك كانك تسولف مع أخوياك. لا تخاف نوعدك ما راح نبتزّك فيه بعدين.
- احفظ الملف وارسله لنا إلى podcast@saudigamer.com
بنختار مجموعة نستضيفهم ان شاءالله، وفي حال كنت منهم راح نرد على ايميلك ونحدّد لك موعد استضافتك.
في انتظار ايميلاتكم!
بارعة
احمد خالد
