مشهور الدبيان
كثير لاحظوا اختراق موقع يوم اللاعبين اليوم الفجر، وقروا الرساله المكتوبة في الموقع. تم استعادة الموقع الآن، ويحاولون المنظمين انهم يطورونه بشكل أكبر للحماية من الاختراقات.
لكن شفنا عدة أشخاص متخوّفين من هذا الاختراق، خاصة اللي اشتروا تذاكرهم أونلاين. يتسائلون: هل هذا الشي بيأثر على يوم اللاعبين؟ هل انمسح التسجيل حقي؟ هل راحت فلوسي؟ … الخ
تواصلت الشركة المنظمة معنا وأكدّت لنا أنه البيانات سليمة ولها نسخ احتياطية، وان الفلوس في PayPal آمنة وماحد يقدر يلمسها أصلاً لأنها في سيرفرات PayPal ماهي عندهم. ففعلياً مافيه شي تأثر عدا الموقع اللي جالسين يطوّرون حمايته الآن، كل شي ماشي تمام حسب كلامهم، لكن للأسف ابتلاهم الله بمخترقين هوايتهم يستقوون على المواقع العربية الضعيفة أمنياً، لان خبرتهم أقل من انها تخليهم يخدموننا بشي مفيد ويخترقون مواقع تعادينا كمسلمين مثلاً.
عموماً زي ما ذكرنا المعرض ما راح يتأثر بأي شكل من الأشكال سواءاً بهالاختراق أو بأي اختراق قادم (حسب تأكيد الشركة المنظمة)، فاللي ناوي يروح يتطمّن.
أيمن اليغشي
احمد خالد
