محمد الشريف
حضرنا مؤتمر للعبة الغريبة، الواعدة برضو، وقدم لنا اللقاء الصحفي مخرج اللعبة ومنجتها. كثير من اللاعبين يتساءلون عن اللعبة وفكرتها الغريبة: تلعب بشخصية ما تنشاف الا تحت المطر؟ لعبة كاملة مبنية على هذي الفكرة؟
في البداية، شرح لنا المخرج بعض الأفكار الأساسية في اللعبة. أولها ان اللعبة كلها بتكون في أجواء ممطرة، ما راح يكون فيه أجواء مشمسة أو غيره. طريقة اللعب راح تطلب من اللاعب انه يتعامل مع الأشياء والمواد الموجودة عنده في البيئة بحيث يتقدم في اللعبة، تقدر تقول ان فيها ألغاز كثير اللعبة. بتتطور اللعبة مع تقدم اللاعب فيها، وبيكون فيها مواد أكثر وأشياء أصعب تسويها، تقدر تقول ان الألغاز راح ترتفع صعوبتها مع تقدمك في اللعبة.
الموسيقى بيكون لها دور رئيسي في اللعبة، قدرت انتبه لصوت البيانو في الخلفية والموسيقى اللي في الخلفية بشكل عام. كانت شي رائع، ولا استغربت ان المخرج قال ان اهتمامهم كبير جداً في الموسيقى للعبة.
برضو تكلم المخرج عن القصة بشكل خفيف، وقال ان اللاعبين راح يحتارون في قضية العلاقة ما بين الولد والبنت اللي ما ماحد يشوفهم. كيف الولد يشوف البنت وهي مختفية؟ ولا فيه سر او شي معيّن يخلي الناس المختفية هذي تشوف بعضها؟ هذي الأسئلة احتمال انها بتدور في راس اللاعب أول ما يجرب اللعبة.
مشكلة وحدة لاحظتها وكانت واضحة في اللعبة، وهو عدم اختلاف المراحل عن بعضها. جابوا في العروض حقتهم أكثر من أربع أماكن ولكن ولا وحدة منها كانت تختلف عن الثانية بأي شكل، لكن اختلاف الموقع فقط. هذي مشكلة كبيرة لازم يشوفون لها حل، مهما كانت الأسباب ما أتوقع لاعبين اليوم بيسامحونهم على مثل هالغلطة.
بتنزل اللعبة في 2 أكتوبر هالسنة، وأعلنوا عن المحتوى الاضافي اللي بتحصل عليه اذا طلبت اللعبة طلب مسبق (Pre-order) مثل ثيم ديناميكي، ومجموعة أفاتارز، وغيرها من العروض الحلوة اللي يمكن تهم البعض.
شكل اللعبة واعد جداً، فكرتها رهيبة لكن عدم اختلاف التصميم في المراحل يمكن تكون عقبة كبيرة للعبة، خصوصاً في الوقت اللي اللاعبين يطالبون بمراحل مختلف، وجرافيكس ممتاز، وغيرها من مواصفات اللعبة الممتازة.
وش رايك بأفكار لعبة Rain؟ هل تتوقع لها النجاح؟ شاركنا برأيك في التعليقات!
بارعة
أيمن اليغشي
