انطباعنا عن Deus Ex: The Fall الجزء الجيد من السلسلة على الآيباد [E3 2013]

من أغرب الاعلانات مؤخراً، الكل كان يتمنى انها تكون جزء على الأجهزة المنزلية والبي سي ولكن سكوير قررت انها تنزل الجزء هذا على iPad. هل كان قرار سكوير صحيح؟

أول شي لاحظته ان التعليمات كثيرة، كثيرة الى درجة اني طفشت وأنا أقرا: اذا تبغى تمشي حط اصبعك أسفل الشاشة على اليسار، أو اضغط مرتين على المكان اللي تبغى توصلّه في الشاشة والشخصية بتروح له تلقائياً. تبي تنزل على ركبك؟ اضغط الصورة الصغيرة اللي تحت. تبي التصويب يكون تلقائي ولا تبي تصوّب أنت بنفسك؟ الى آخره من التعليمات الكثيرة.

مثل كل تجربة لي في ألعاب الجوال والأجهزة اللوحية، التحكم صعب جداً، كل ما بغيت أسوي شي معيّن غالباً أغلط وأروح أسوي شي ثاني، مثلاً أبغى أمشي الى نقطة معينة أروح ألقى نفسي نفسي حاط اصبعي في المكان الخطأ في الشاشة.

الرسوم كانت جيّدة ومقبولة، ولو اني ما أشوفها ممتازة أو ساحرة. البيئات هي نفسها بالتمام اللي شفناها في جزء Human Revolution.

بشكل عام، حسّيت ان اللعبة طويلة وعميقة وماهي من ألعاب الجوال البسيطة والسهلة. تمنيت ان اللعبة على الأقل تكون متوفرة على الفيتا، ولكن أظن سكوير تبغى توصل للسوق الأكبر، وسوق الأجهزة اللوحية سوق مسيّل للعاب شركات الألعاب.

بتنزل اللعبة في صيف 2013 على iPad، وبيتم تحديد موعد نزولها على أجهزة Android في المستقبل.

هل تعتقد ان قرار سكوير في اختيار الأجهزة اللوحية قرار صحيح؟ شاركنا برأيك في التعليقات.