محمد الشريف
في مؤتمر مايكروسوفت الخاص بحدث إي ثري، أحد أضخم وأهم الاعلانات كان الاعلان عن امكانية تشغيل ألعاب اكس بوكس 360 على اكس بوكس ون.
رد سوني بخصوص هالموضوع جا من شوهي يوشيدا، رئيس ستديوات تطوير سوني العالمية، واللي قال عنها انها “مثيرة للاهتمام”، بالاضافة الى هذا قال شوهي:
” التقنية اللي استخدموها في هذا لا بد انها تقنية صعبة”.
الميزة هذي لا زالت تحت التجربة، وهي حاليًا متوفرة لأصحاب عضوية Xbox Preview Members، وهم مجموعة ناس مميزة تختبر العناصر القادمة لاكس بوكس. بتتوفر ميزة تشغيل ألعاب اكس بوكس 360 خلال هذي العطلة.
بالنسبة لبلايستيشن 4، فالظاهر ان مافيه أمل نشوفه يشغل ألعاب بلاي ستيشن 3. يوشيدا يقول:
” ما أتوقع اننا بنغير توجهنا وطريقتنا. بلايستيشن 4 ما يشغل ألعاب الأجهزة اللي قبل. تشغيل ألعاب الأجهزة اللي قبل على بلايستيشن 4 هو أمر صعب. ما راح أقول لك ان مافيه أمل تشوف هالميزة على بلايستيشن 4، لكنها ماهي شي سهل”.
أخيرًا، يقول شوهي يوشيدا ان سوني تبي تركز على توفير الميزات والأشياء الجديدة، عوضًا عن تقديم ميزات تشغل لك أشياء سابقة.
وش رأيكم في كلام يوشيدا؟
أحمد عصام
Saudi Gamer