أحمد قربان
لعبة نيد فور سبيد (Need For Speed) الجديدة راح تحتاج انك تكون متصل بالانترنت عند لعبها. هذا الكلام تم تأكيده من المطور اي ايه (EA) على صفحة موقع تويتر الخاصة بهم.
احد الشباب في تويتر سأل اي ايه هل اللعبة راح تحتاج اتصال بالانترنت اولا وكان ردهم انها راح تحتاج اتصال بالنت لكن راح يكون للاعبين فوائد من هذي الميزة بحيث ان اللعبة راح يصير فيها تنويع اكبر و تجربة ممتعة بشكل اكبر عند اللعب مع اصدقائك.
اللعبة راح يكون فيها 5 انواع من اللعب وهي السرعة، ستايل اللعبة، البناء، الفريق و الخارج عن العدالة، التفاصيل عن كل نوع غير واضحة للان لكن هذا الشيء يعطينا انطباع ان اللعبة راح يكون فيها عمق اكبر من الاجزاء السابقة.
بالنسبة لي ماعندي مشكلة اذا كانت السيرفرات ممتازة ومافيها مشاكل مثل سيرفرات ديستني على سبيل المثال اللي تحتاج اتصال بالانترنت عند اللعب لكن ماتخرجك من اللعب بشكل كبير، انا متخوف من سيرفرات اي ايه لاني كنت العب اجزاء نيد فور سبيد القديمة و ما العب اونلاين اواجه مشاكل في اللاق او فجاه انقطاع الاتصال بالسيرفر.
بعض الاشاعات تقول ان اللعبة راح تنزل يوم 3 من شهور نوفمبر من هذا العام -شهر نوفمبر هو شهر 11- اللعبة راح تصدر للبلايستيشن 4، اكس بوكس ون و البي سي.
شخصيا متحمس للعبة و اكثر ميزة تحمسني انها راح يكون فيها امكانية تعديل السيارة، منتظر اعلانات اكثر عن اللعبة بفارغ الصبر.
احمد خالد
أيمن اليغشي
