محمد الشريف
صرّح المدير التنفيذي لشركة ننتيندو ساتورو إيواتا بأن ننتيندو ما راح تقلّد أحد في سوق الجوالات، وان توجّهها بيكون الحصول على قدر قليل من المال من عدد كبير من المستهلكين.
في تقرير له طلع بعد اجتماعه مع المستثمرين، ذكر إيواتا ان ننتيندو ما راح تنجح لو دخلت سوق الجوالات بشكل تقليدي. يقول:
” أعتقد الكثير منكم يعرف انه على الرغم من سهولة الحصول على المال من خلال تكوين تطبيق بشكل بسيط، الا انه الأمور تغيرت وبشكل سريع. مع المنافسة الشرسة، الحصول على المال في سوق الجوالات صار صعب”
ذكر ياواتا برضه خبره مع السوق الياباني، واللي قضى فيه معظم وقته في هذا المجال:
” حسب فهمي للنجاح في السوق الياباني، هو انك تلقى عدد بسيط من المستهلكين اللي عندهم قابليّة يدفعون أكثر، واني أحلّل وأدرس وش اللي خلاهم يدفعون هالمبلغ”.
هذي الاستراتيجية ممكن تنجح معهم، لكن مشكلتها انها بتكون لعدد معين من الناس، ولا راح تجذب الكثير من الناس:
” على كل حال، اذا سوينا هذا الشي، ما أعتقد ان ملايين الناس راح ينبسطون مننا”.
وسط ننتيندو، يبدو ان النقاش كبير حول موضوع دخولهم الى سوق الجوالات. يقول ساتورو:
” تناقشنا بخصوص هذا الموضوع داخليًا بشكل كبير. تحدّيت المطورين اللي عندنا وأثرت الكثير من النقاشات معهم حول هالموضوع. عندنا أفكار معيّنة بنعلن عنها في الوقت المناسب”.
وش رأيكم بكلام السيد ساتورو ايواتا؟
احمد خالد
بارعة
