أحمد قربان
شركة نينتندو اعلنت عن شحنها ل 10.5 مليون قطعة اميبو (Amiibo)، تقريبا العدد زاد الضعف بحيث في نهاية عام 2014 تم شحن 5.7 مليون قطعة اميبو.
مدير شركة نينتندو ساتورو ايواتا (Satoru Iwata) وضح ان قطع الاميبو ممكن يتم تصنيعها بشكل مستمر لفترة طويلة.
قال ايواتا: “بعد ماقيمنا مبيعات الاميبو لاحظنا ان الناس يشترون القطع في جميع الفترات وهذا السبب لانها ارخص من الالعاب الاجهزة الكاملة”
ايواتا اعتذر عن نقص قطع الاميبو في العالم وكتبنا عن هذا الخبر سابقا. قال ايضا ايواتا عن النقص: “احنا اسفين جدا اننا مانقدر نوعدكم متى راح ينحل الوضع الحالي لان القطع اللي مثل الاميبو تحتاج وقت كبير لتصنيعها، و ايضا مساحة رف التخزين محدودة، وايضا من الصعب توقع عدد طلبات القطع بالتحديد”
بالنسبة لاكثر الاماكن لشحن قطع الامبيو نشرت نينتندو رسمة بيانية توضح شحنات الاميبو في اماكن متفرقة و من الرسم نقدر نعرف ان امريكا وكندا هم اكثر دولتين يتم الشحن لهم.
ايضا ايواتا اعلن عن قطعة رخيصة راح تسمح للاميبو انه يشتغل على اجهزة الثري جي اس (3DS)، القطعة راح تنزل مع لعبة Animal Crossing: Happy Home Designer، الى الان مانعرف موعد اطلاق هذي اللعبة لكن قطعة الاميبو الخاصة راح تنزل مع يوم اصدار اللعبة.
بالنسبة لملاك اجهزة New Nintendo 3DS ما عليهم خوف لان اجهزتهم تدعم تركيب الامبيو مباشرة بدون مايحتاجون لقطعة خارجية.
صراحة عذر ايواتا ان صعب تعرف عدد الطلبات اشوفه غير مقبول، الطلبات واضحة للجميع انها عالية جدا والكل يبغا اميبو واعتقد ان اي احصائي راح يقدر يعطيك توقع قريب جدا من العدد الحقيقي، انك تصدر بعدد اقل من المطلوب هذي مشكلة كبيرة وممكن انك تخسر ناس كثير حبوا يشترون هذي القطع لكن مالقوها وبعدها الغوا الفكرة من راسهم.
وش رأيكم بالأرقام الكبيرة؟
احمد خالد
بارعة
