أحمد قربان
لعبة وورلد اوف وور كرافت (WoW) -واو اختصار لاسم وورلد اوف ورلد كرافت- اضافت شخصية جديدة و محششة الى عالمها الكبير في تحديثها الاخير رقم 6.2.0.
لتوضيح الشخصية لازم نرجع بالزمن لعرض الSuper Bowl الاخير و بالتحديد فقرة غناء المغنية Katy Perry في العرض، في خلال غنائها كان موجود شخصين لابسين ملابس على شكل سمكة قرش، الاثنين مهمتهم انهم يرقصون، اللي على اليمين كان بيأدي شغلته على اكمل وجه، لكن اللي على اليسار كان ضايع و مو عارف اش يسوي و جالس يحرك يدينه وبس.
بعد هذي الحادثة انتشرت ظاهرة سمكة القرش هذي في الانترنت وصاروا الناس يسووها من باب الطقطه والاستهبال على القرش الايسر. و كيتي بيري عجبها الوضع وصارت تسوق للقرش الايسر بحيث انها تبيع منتجات باسمه او مجسمات بشكله.
ومن هذا المنطلق قرر ستديو بليزارد (Blizzard) المطور للعبة واو انه يضيف شخصية القرش الايسر للعبة واو، الى الان غير معروف موقعه في عالم اللعبة لكن اذا لقيته راح يسمح لك انك تستدعيه كمرافق لك.
التحديث رقم 6.2.0 اضاف القرش الايسر بالاضافة لاماكن جديدة في اللعبة، مهمات Raid وخاصية بناء المراكب.
خبر غريب ومحشش هذا كل اللي اقدر اقوله.
وش رأيكم بالاضافة الشاطحه؟
بارعة
احمد خالد
أيمن اليغشي