أحمد قربان
كلنا نعرف ان لعبة زينوبليد كرونكلز اكس (Xenobalde Chronicles X) راح تنزل بشكل حصري جهاز ننتيندو وي يو خلال هذي السنة، احد المسؤولين في نينتندو جاوب عن هذي التساؤلات وجبنا لكم جوابه.
قال المسؤول: “لعبة زينوبليد كرونكلز تقدم محتوى كبير جدا في عالمها، وهذا الشيء اعجب الكثير من اللاعبين اللي جربوها على جهاز الويي (Wii)، اعتقد ان كثير من الناس بدأوا يهتمون اكثر عن هذي اللعبة خصوصا بعد مانزلت على جهاز الويي و كثير من الناس تكلموا عن روعتها. ومعروف ان اللعبة تحتاج حوالي 100 ساعة لانهائها بشكل طبيعي، يعني عندنا ناس مهتمين للعبة، ولكن اللعبة جدا طويلة، وبسبب طولها اعتقد ان اللعبة لو نزلت على جهاز الويي يو راح يستسلم بعض اللاعبين من فكرة تجربته للعبة ويقولون بنفسهم: مستحيل يكون عندي وقت فاضي للجلوس قدام التلفزيون للعب هذذي اللعبة لمدة 100 ساعة”
كمل ايضا المسؤول وقال :”حتى لو اننا نزلنا لعبة زينوبليد كرونكلز بشكل محسن للوي يو، مازلت اعتقد ان اللاعبين راح يتجنبون اللعبة، لكن لما تطور اللعبة على جهاز محمول، راح تسمح للاعبين انهم يلعبوها متى مايفضون، ممكن يلعبونها بالبيت او برا البيت، في نظرنا ان هذا الشيء راح يجذب لاعبين اكثر لتجربة اللعبة، ايضا احنا في بداية التطوير اخذنا بعين الاعتبار تطوير اللعبة على الثري دي اس العادي لكن للوصول لجودة شبه متطابقة مع جودة زينوبليد كرونكلز على جهاز الويي اضطرينا اننا نلغي نسخة الثري دي اس العادي ونركز فقط على النيو نينتندو ثري دي اس”
كلامه منطقي نوعا ما ولو اني مااشوف شيء يمنع من اصدراها على الوي يو ايضا، صح ان اللعبة طويلة واحسن انها ماتقيدك في جلسة وحدة لكن شفنا العاب طويلة على اجهزة منزلية والناس استمتعوا بها بدون اي مشاكل مثل لعبة Dragon Age: Inquisition و ايضا اللعبة المنتظرة The Witcher 3: Wild Hunt واللي قال المطور انها تحتاج اكثر من 100 ساعة لانهائها. يعني انا مع مثل زيادة الخير خيرين، لكن واضح ان نينتندو يحبوا خير واحد بس 🙂
وش رايكم بكلام نينتندو؟
احمد خالد
بارعة
