سوني تضيف ميزة توثيق الحسابات في شبكة بلايستيشن لأصحاب الحسابات المعروفة

في خطوة جديدة من سوني لتعزيز شبكتها بالخدمات الإضافية قدمت الشركة اليوم نظام جديد لتوثيق الحسابات على شبكة البليستيشن.

الطريقة هذه تشبه طريقة توثيق الحسابات المشهورة في تويتر وهي أنك تشوف علامة صح جنب إسم صاحب الحساب وهذا يدل أن الحساب رسمي وموثق من الشركة المزودة للخدمة. حاليا الميزة هذه مقتصرة على مجموعة مختارة من الناس اللي يشتغلون في صناعة الألعاب زي حسابات مطورين الألعاب والمنتجين والمصممين ومدراء المجتمعات الخاصة بالشركات او الألعاب.

للأسف حاليا ما في طريقة واضحة للتقديم على طلب توثيق الحساب باستثناء الحسابات اللي وثقتها سوني بنفسها. ودي ياخي يوثقون حساب أي واحد مستواه فوق العشرين في تجميع التروفي ( ترا ابدا ما أقصد نفسي ^_^ ) عشان يشحعون الناس يلعبون العاب أكثر وهذا بيرجع بالفايدة عليهم في النهاية.

وش رأيكم شباب بهذه الحركة الرايقة هل ودكم تصير حساباتكم موثقة ولا ما تفرق معكم؟ شاركونا أرائكم تحت في التلعيقات.