صوّت للعبة

Rating: 5.0/5. From 1 vote.

Please wait...

farcry4valleyoftheyetis

وش سالفة اللعبة

اضافة للعبة التصويب الرهيبة Far Cry 4 تدور احداثها في بيئة ثلجية معزولة عن عالم اللعبة الأساسية. من بداية اللعبة بيكون مطلوب منك انك تطوّر قاعدتك الرئيسية بالدفاعات والأسلحة، لأن خمس من المهمات الموجودة في الاضافة هي عبارة عن دفعات من الجنود يهجمون على قاعدتك ويحاولون يفجرونها.

معلومات اللعبة

الناشر: Ubisoft

المطور: Ubisoft Montreal

تاريخ الإصدار: 03/09/2015

النوع: أكشن, تصويب, عالم مفتوح, مغامرات

التصنيف العمري: PEGI 16+

عمر اللعبة: 3 ساعات (تقريبي)

الأجهزة الخاصة باللعبة: Xbox One, Xbox 360, PS4 (جهاز التقييم), PS3, PC

تحتاج إنجليزي؟: نص ونص

الايجابيات

وجود قاعدة أساسية لك في اللعبة تطوّرها وتدافع عنها في خمس مهمات. الحلو ان الخمس مهمات هذي كل وحده في تكون في ظروف جوية مختلفة عن الثانية.
المهمّات الأساسية ممتعة ومنوّعة تعطيك جرعة اضافية من حماس ومتعة Far Cry 4.
بيئة ثلجية بالكامل تغيّر عليك جو اللعبة في حال مليت من اللعبة الأساسية.
الأسلحة الجديدة تلقاها مبعثرة في عالم اللعبة، مجرد ما تاخذها راح تنفتح في قاعدتك. برأيي هالطريقة أفضل بكثير من انك تروح تسوي مهمات عشان تفتح الاسلحة زي ما في اللعبة الأساسية

السلبيات

حتى لو خلصت اللعبة الأساسية، الاضافة هذي راح ترجعك من الصفر. لازم تفتح كل الاسلحة والمهارات من جديد. ممكن اتفهّم سالفة الاسلحة (عشان ما تصير قوي بزيادة)، بس المهارات صعب تبدا بدونها بعد ما تكون تعوّدت عليها في اللعب.
مافيه أي طريقة للتنقّل السريع في الخريطة، حتى الهليكوبتر الصغير غير موجود (ما يعطونك اياه الا بعد ما تخلص القصة).
مافيه لا قصة ولا شخصيات حلوة في الاضافة (الاشياء اللي تعودنا نشوفها من Far Cry)، مركزين على الاكشن والمهمات فقط.
مخلوق اليتي (Yeti) لهم شهور يحمسونا عليه وبالاخير يطلع شي عادي وممل كأنه غوريلا قوي، وموجود في كل مكان. توقعت انه بيكون شي أذكى (أو امتع) بما انهم متحمسين للتسويق له بهالشكل، أو على الأقل يخلونه نادر وصعب تلقاه زي ما جرت العادة مع هالمخلوق الأسطورة.
كثير من المهمات الجانبية تطلب منك انك تسرق شاحنة معيّنة وترجعها للقاعدة، شي يطفّش يحسّسك انهم مالهم خلق يطلعون بافكار جديدة، مع ان المهمات الجانبية قليلة نسبياً.
سرعة تطوريك للاعبك وقاعدتك أبطأ بكثير من عمر القصة. يعني بتخلص القصة وانت لسه عندك أشياء كثير ما طورتها او فتحتها (الا اذا لعبت كل المهام الجانبية قبل ما تخلص القصة)، والمشكلة انه الاضافة ما تشجعك تكمل فيها بعد ما تخلص القصة لان مافيها شي