أحمد قربان
شركة مايكروسوفت (Microsoft) ناوية تدخل معرض اي ثري (E3) لهذا العام بكل قوتها. ارون قرينبيرق (Aron Greenberg) قال ان راح يصير حفل قوي جدا بالمعرض. الزبده ان يبغالكم تتوقعوا الغير متوقع!
قال ارون: “توقعوا مفاجات كبيرة. اتوقعوا مننا اننا نتكلم عن العاب كثيرة. اذا عندك اكس بوكس. اعتقد انك راح تخرج من المعرض وانت جدا جدا جدا مبسوط بانك شتريت اكس بوكس. واذا لسه مااشتريت الجهاز، نتمنى انك تاخذ نظرة على الالعاب اللي راح نعلن عنها وتقرر بعدها انك تشتري الجهاز. “
قال ارون ان تخطيط مايكروسوفت لمعرض اي ثري ممتاز جدا وان الشركة عندها شعور ممتاز عن المعرض. قال ارون عن المعرض: “عندنا افكار جديدة ومختلفة للمعرض هذي السنة ماقد سوينا مثلها من قبل. اعتقد اننا راح نتوجه للمعرض بطريقة مختلفة شوي لكن احس بانها راح تكون ممتازة. الموضوع صار جدا محمس.”
عادة مايكروسوفت يجيبوا ناس مشاهير للمعرض يقدموا لاكس بوكس. للان مافي اسماء معلن عنها. لكن ارون لمح ان الشركة بتبحث عن طرق للتواصل مع الجمهور واشراكهم في العرض. من الجهة الثانية صرح ارون عن اهتمامهم بالكس بوكس ون وكيف ان الجهاز بينزل له تحديثات شهرية.
قال ارون عن الاكس بوكس ون: “احنا مؤمنين ان عندنا الفرصة للابتكار و لتقديم مميزات جديدة للجهاز وهذا الشيئ واضح عن طريق تحديثاتنا الشهرية.”
وضح ارون ان موقع اكس بوكس الخاص بطلبات اللاعبين له دور مهم في التحديثات ومعرفة رغبات اللاعبين اللي ودهم تكون بالجهاز. قال ارون : “الموقع جدا مؤثر ومهم للتحديثات اللي نسويها. احنا راح نبتكر بشكل غير متوقف ومستمر. اتوقعوا مننا اننا نستمر بالتحديثات وبتطوير اكس بوكس لايف xbox live لتكون افضل شبكة اونلاين. بتشوفون مننا برامج جديدة. و امكانيات جديدة. الناس طلبوا ميزة تصوير الشاشة screenshot. والان شفتوا اننا بنطبق نظام التصوير في التحديث القادم”
كمل ارون: “احنا شغالين كل شهر لتقديم الطلبات الاكثر تكرارا في قائمة طلبات اللاعبين. وراح نستمر في تحقيق الطلبات. الفريق عنده قائمة طويلة من الطلبات شغالين عليها ايضا. نتمنى ان الناس اللي يشتروا الاكس بوكس ون يتذكروا ان الجهاز بيتحسن كل شهر. وبعد سنة من الان، الجهاز اللي معاهم راح يتحسن بشكل كبير جدا. هذا وعدنا، اننا نستمر بالابتكار ونستمر بالتحسن”
ارون انهى حديثه عن ان الجهاز لسه جديد وماكمل سنتين. وان هذا الجهاز قدامه اقل شي عقد من السنين او اكثر.
قال ارون عن عمر الجهاز: “احنا مازلنا في بداية الجيل. تونا بدينا نستعرض قوة الجهاز وقوة القرافيكس فيه. راحنا بدينا نطور اشياء مره رهيبة على الاكس بوكس لايف. احنا بنطور العاب خاصة على سيرفراتنا وراح تكون جدا مميزة وراح تعطينا الفرصة لابتكار شي جديد. انا متحمس جدا. شفت شوي من المستقبل الخاص بنا وراح تكون اشياء جدا رهيبة”
كلام كبير من ارون. لكن مانحكم الي ان نشوفه على ارض الواقع. لو انه فعلا صادق انا اول واحد حشتري جهازهم “الرهيب” على كلامه
وش توقعاتكم لمؤتمر مايكروسوفت في اي ثري هذي السنة؟
بارعة
احمد خالد
