أحمد قربان
ستديو 343 للصناعة (343 Industries) مطور لعبة هيلو ماستر شيف كوليكشن (Master Chief Collection) كتب في موقعه الخاص ان التحديث الجديد للعبة هيلو كوليكشن في اخر مرحلة له قبل الاطلاق.
مكتوب بالموقع: “خلال الاسابيع الماضية كنا شغالين على انهاء محتوى التحديث الجديد، التحديث راح يزود الثبات باللعب (Stability)، راح يحسن عمليات البارتي (Party) و راح يحسن نظام الدعوات باللعبة (Invites) واشياء غيرها ايضا. مثل ماقلنا قبل كذه ان محتوى التحديث راح يحمل تغيرات اساسية للنظام، و لانهاء هذي التغييرات والتاكد انها شغالة بدون مشاكل راح يحتاج وقت طويل واطول من التحديثات اللي قبل”
مكتوب ايضا: “احنا مبسوطين بالاشياء اللي سويناها و راح تكون الموجودة في التحديث القادم، بالتحديد احنا مبسوطين بسبب التحسينات الكبيرة اللي سويناها في المشاكل الكبيرة والصغير. وايضا احنا ركزنا بشكل كبير على اسلوب اللعب (Gameplay) و زودنا الضغط على اللعب لكي نتاكد ان هذا التحديث راح يحقق الهدف المطلوب منه. الى الان مانقدر تاريخ محدد لاطلاق التحديث لكن نحب نطمنكم اننا في المرحلة الاخيرة وجالسين نختبر التحديث و نحاول نكتشف اخطاء التحديث بكل الطرق الممكنة. المرة القادمة اللي راح نعطي فيها معلومات اكثر عن التحديث راح يكون موجود من ضمن المعلومات موعد محدد لاطلاق التحديث”
من ضمن التحديثات اللي صارت للعبة هيلو ماستر شيف كوليكشن كان فيه تحديث يمنع التغييرات في الخرائط لكلاسات السوات (SWAT) والتيم سنايبرز (Team Snipers). ويمنع ايضا بناء قوائم للخرائط للعبة هيلو 3.
رد الاستديو على هذي المشكلة وقال: ” هذي المشكلة بسبب مشكلة معينة في لعبة هيلو 3 حول ان الخرابيط توزيعها موحد وماتقدر تغيره وهذي المشكلة احنا شغالين على حلها. اول مانحلها راح نسمح للاعبين انهم يصمموا قوائم خاصة للخرائط وراح يكون في تنوع في الخرائط بحيث في خرائط للبطولات، خرائط باسلحة معينة داخلها، خرائط متحركة وغيرها من الاضافات. كل هذي الاضافات ارح تكون موجودة بشكل دائم مع خاصية بناء قوائم للخرائط”
كل هذي التغييرات راح يحاولوا يطبقوها باسرع وقت. اهتمام ممتاز من الاستديو لتحسين اداء اللعبة و اتمنى انهم يعدلوا المشاكل في اسرع وقت.
اذا كنت مهتم اكثر عن التحديث كتبنا قبل كذة عن نسخة البيتا من التحديث و كيف اطلقها الاستديو.
اش رايكم بالتغييرات تشوفوا انها مهمة؟
بارعة
احمد خالد
