محمد الشريف
حسب كلام واحد من المطوّرين القدامى في سلسلة ليجند أوف زيلدا، يبدو اننا بنعيش تجربة عالم مفتوح بشكل حقيقي.
منتج السلسلة، Eiji Aonuma، يقول ان عالم اللعبة بيكون مفتوح بأقصى شكل يقدر عليه الو يو، بمعنى ان اللعبة بتستخدم قدرات الجهاز بشكل كامل في عالمها المفتوح.
” قضية تكوين عالم مفتوح ومترابط هو شي مستحيل تسويه اذا ما كان جهازك متقدّم. من أول جزء سويناه في سلسلة ليجند أوف زيلدا، سوينا عوالم كبيرة واستخدمنا فيها أقصى قدرات الجهاز، فلذلك تقدر تقول اننا سوينا هذا الشي برضه على هذا الجزء اللي بينزل على الوي يو”.
بعد ما عرضوا اللعبة للعالم في السنة اللي راحت، الكل قال ان اللعبة هي لعبة عالم مفتوح، لكن منتج اللعبة يختلف على هذي التسمية ويقول عليها “غير دقيقة”، وقال ان ألعاب ليجيند اوف زيلدا دائماً كانت تسمح للاعب انه يستكشف ويتمشى في عالم اللعبة.
اما بالنسبة للفرق بين هذا الجزء والأجزاء اللي قبل من ناحية العالم المفتوح، فيقول ايجي:
” اللي يفرّق بين هذا الجزء والأجزاء اللي قبل من ناحية العالم المفتوح هو ان عالم هذا الجزء بيكون متصل ببعضه. الجهاز الآن (يقصد وي يو) هو جهاز متقدّم وقادر على عرض عالم اللعبة بالكامل. اللعبة بشكل أساسي هي نفسها ليجند أوف زيلدا”.
قبل كم يوم، كتبنا عن المسلسل الجديد اللي أعلنوه للسلسلة.
وش رأيك بكلام منتج السلسلة؟
احمد خالد
أيمن اليغشي
بارعة