أحمد قربان
لعبة قراند ثيفت اوتو 5 (Grand Theft Auto 5) من شركة روك ستار (Rockstar) باعت اكثر من 45 مليون نسخة من يوم اطلاقها في شهر سبتمبر عام 2013. اليوم قال الناشر اللي اسمه تيك تو انتراكتيف (Take-Tow Interactive) هذا الكلام.
الارقام هذي حسب مبيعات الشركة للمحلات مو للاعبين، طبعا الارقام حسبوها من مجموع مبيعات اللعبة على اجهزة البلايستيشن 4، البلايستيشن 3، الاكس بوكس ون و الاكس وبوكس 360 من يوم اطلاق اللعبة عليها. الناشر تيك تو قال: “تقريبا 10 مليون نسخة” من اجهزة الجيل الجديد تم بيعها من يوم اطلاقها في يوم 18 من شهر نوفمبر عام 2014.
راح يكون فيه مبيعات اكثر قادمة للعبة لأن اللعبة راح تصدر في شهر مارس يوم 24 على اجهزة البي سي.
الناشر تيك تو اعطانا ايضا مبيعات لعبة السلة ان بي اي تو كي 15 (NBA 2K15) واللي باعت 5.5 مليون نسخة خلال الربع الثالث للناشر. وسلسلة لعبة سيد ميرس سيفيلازيشن (Sid Meier’s Civilization) اللي باعت اكثر من 29 مليون نسخة لليوم واللي خلاهم يكملوا ويطلقو جزء ثاني للعبة اسمه سيد ميرس سيفيلازيشن: بيوند ايرث (Sid Meier’s Civilization: Beyond Earth).
تيك تو انتيراكتيف نشروا دخلهم الكامل بمجموع 531.1 مليون دولار للربع الثالث من عام 2015 واللي انتهى بتاريخ 31 ديسمبر 2014. هذا الدخل مقارنة بالعام اللي قبله هو اقل، بحيث في نفس الوقت من السنة لكن العام اللي قبل كان الدخل مجموعه 1.86 مليار دولار، وهذا الشي واضح انه كان بسبب الاثر الكبير اللي صار بسبب اطلاق لعبة جراند ثيفت اوتو 5 لأول مرة.
اش رايكم بالخبر والارقام اللي فيه؟ هل تشوفوا ان اللعبة تستاهل كل هذي الفلوس اللي جاتها ولا لا؟
احمد خالد
Saudi Gamer
