أحمد قربان
اذا جينا نتكلم عن افضل العاب الار بي جي الحديثة و اللي تم تطويرها من قبل استديوهات قوية ومعروفة في مجال العاب الار بي جي…فلازم نتكلم عن لعبة دراقون ايج انكوسيشن (Dragon Age: Inquisition) ولعبة ذا ويتشر 3: وايلد هنت (The Witcher 3: Wild hunt) ونقارن بينهم. اللعبتين تم تصمميها كجزء ثالث من السلسلة، وكلهم استفادوا من التجارب القوية في عام 2011 بين لعبتي سكايرم و إيلدر سكرولز. اللعبتين (دارقون ايج و ذا ويتشر) فيهم عالم كبير، و نوع اللعب مشترك بينهم، والخيالات بينهم مشتركة ايضا، وفي الحقيقة احنا كلاعبين هذي المعطيات كلها تخلينا نضع اللعبتين وجها لوجه ضد بعض ونشوف اي لعبة هي الافضل. مع التنويه ان في العاب ثانية من انواع مخلتفة تمت مقارنتها مع العاب من نفس نوعها لكن الفرق بين اللعبتين احيانا يكون جدا واسع ومو مثل التشابه الكبير من ذا ويتشر 3 ودراوقن ايج.
الظاهر ان ستديو سي دي بروجكت ريد (CD Projekt RED) الاستديو المصمم للعبة ذا ويتشر 3 كان مدرك هذا الشي وهذي المقارنات اللي صارت، والان هم تحدثوا وقالوا رأيهم:
قال مايلس توست (Miles Tost) احد المسؤولين عن اللعبة في ستديو سي دي بروجكت اثناء مقابلته في مجلة بلايستيشن لايف ستايل: ” اعتقد ان خيالنا مختلف تماما عن باقي الالعاب، لعبة دراقون ايج خيالها اعلى نوعا ما. على سبيل المثال عندك التنانين والتعويذات موجودة في دراقون ايج لكن هذا الشي مختفي اكثر في لعبة ذا ويتشر. الخيال ممكن يكون جزء من اللعبة لكنه مو هو الشي الرئيسي الي راح نركز عليه، في عالمنا في سحر لكن اشخاص قليلين يقدروا يحصلوا عليه، وهذا السحر يعتمد على نظرية معينة حول رؤية الناس لهذا السحر. اللعبة مهتمة اكثر عن معيشة الناس في العالم، وهذا الشي راح يجعل الوحوش تتجول في هذا العالم. الخيال اعطانا حرية اكبر في تصميم اللعبة بداخل حدود عالمها.”
وقال توماس جاربوسكي (Tomasz Jarbowsky): “احنا معجبين بشكل كامل عن الانجازات اللي حققتها لعبة دراقون ايج و انها قدرت تربح بعض جوائز لعبة السنة من بعض المواقع وهذا الشي جدا جميل. انا لعبت دراقون ايج ومنجد استمتعت فيها، لكننا متوجهين لتقديم تجربة مخلتفة قليلا. وهذا التوجه راح يكون نوعه جدا جدا عميق من ناحية القصة. اعتقد انك اذا دخلت عالم لعبة ذا ويتشر بكشل كبير جدا، راح تكتشف كمية الاشياء المهولة اللي تقدر تكتشفها!.”
تقدر تشوف عروض جديدة للعبة ذا ويشتر 3 كتبنا عنها من قبل.
اش رايكم تشوفوا ان ذا ويتشر منافس قوي جدا للعبة دراقون ايج؟ ولا تتوقعوا ان في لعبة متفوقة على الثانية؟
بارعة
احمد خالد
