أحمد قربان
اذا شريت النسخة الجديدة من لعبة فيهرنهايت (Fahrenheit) و اسم يوزرك في ستيم كان غريب او غيرته بعد مالعبتها فغالبا راح تواجه مشاكل باللعبة.
اللعبة المعروفة بفهرنهايت او انديقو بروفاسي (Indigo prophecy) نزلت كاعادة اصدار على اجهزة الاي او اس (IOS) و لاين اكس (Linux) و الماك والبي سي بفضل الشركة الناشرة اسبير ميديا.
اللعبة مااتحسنت بشكل كبير لكنها فرصة مميزة للاعبين الي ماجربوها، سعرها رخيص و من تصميم كوانتيك دريم ولعبة كلاسيكية بحتة نزلت في عام 2005.
احد اعضاء موقع ريديت (Reddit) جرب اللعبة واكتشف مشكلة فيها، المشكلة ان اللعبة تسمي اسم ملف التخزين باسم يوزر اللاعب في ستيم، هذا الشي راح يسبب مشكلتين ممكن تواجهها، الاولى انك اذا غيرت اسمك في ستيم فراح تتقفل عليك تخزيناتك، المشكلة الثانية ان اذا اسمك فيه ايقونات او حروف الويندوز مايقبلها اذا جيت تسمي اي ملف في النظام، هذا الشي راح يجعل اللعبة ماراح تشتغل معاك ابدا.
هذي المشكلة نتمنى انها راح تنحل في اسرع وقت من الناشر اسبير عن طريق باتش جديد. و الظاهر ان نفس هذي المشكلة واجهتها لعبت دارك سولز في طور الملتبلير واللي الى الان ماتم اصلاحه.
كتبنا خبر اول ان عن اعادة اصدار اللعبة اذا حاب تشوفه.
اش رايك اشتريت اللعبة وواجهتك المشكلة؟
Saudi Gamer
