محمد الشريف
لعبة BloodBorne هي أكثر لعبة ننتظرها هذي السنة ، حماسنا لها منقطع النظير. اللعبة ماخذه شي كثير من سلسلة Souls، أو لعبتين Demon’s Souls و Dark Souls. كل اللعبتين استمتعنا فيهم وحللناهم، واليوم عندنا فيديو نعرضه لك في حال لا زلت مشكك في اللعبة.
اذا ما قد لعبت الألعاب اللي ذكرتها في الفقرة اللي قبل، فهي لعبة من نوع غريب، وصعب أقترح هاللعبة على أي لاعب يسألني عنها. تتميّز اللعبة بطريقة لعبها الغريبة، ومن أشهر الأشياء اللي فيها طريقة عقابها للاعب اذا غلط، بحيث قدرت تخلّي اللاعب يحس في داخله انه هو الغلطان، ولذلك مات. هذا العنصر يخلّي اللاعب يرجع مره ثانية يلعب اللعبة ويتحدى نفسه ويحاول يتجاوز الغلطة اللي غلطها، واللي تعاقبه عليها اللعبة شر عقاب.
لعبة بلود بورن لعبة جديدة، وهذا معناته انها ما تقدر تاخذ كل شي بالتمام من سلسلة سولز، فيها تغييرات كبيرة وجريئة أهمّها ان اللعبة شالت ميكانيكية أساسية من سلسلة سولز وهي التصدّي أو block، بحيث ما عاد تقدر تصد الضربات، والطريقة الوحيدة لتفادي الضربات هي انك تتفادى الضربات من خلال تحركك لليمين أو لليسار بسرعة، evade على قولتهم.
الفيديو يعرض لك طريقة تحكّم اللعبة، بالاضافة الى عرض بعض مناطق اللعبة والأعداء اللي بتواجههم. الفيديو رهيب وتقدر تاخذ منه كميّة معلومات ممتازة عن طريقة اللعب، وتقدر من خلالها على الأقل تفهم طريقة اللعبة وتشوف اذ هي مناسبة لك أو لا.
كتبنا قبل فترة عن معلومات جديدة وكثيرة عن اللعبة، وان اللعبة ممكن تحتوي على مراحل مختلفة لكل لاعب!
لعبة بلود بورن لعبة حصرية على بلايستيشن 4، وبتنزل في 25-3-2015.
بارعة
احمد خالد
