استعراض لرسماتكم الرهيبه

رجعنا لكم بعد انقطاع طويل 🙂 آسفين جدًا على الانقطاع، لكن انشغلنا -كالعادة- بالمحتويات الثانية للموقع، لكن هذا ما يعني اننا بننطع عن هالمواضيع للأبد.

المحتوى اللي وصلنا خرافي لدرجة اني حسّيت اني مذنب وأنا أتخلّى عن بعض الرسمات الرائعة، لذلك حاول انك تدخل المجتمع وتشوف كل الرسمات الرهيبه، بالاضافة الى المحتوى الممتاز بشكل عام.

الرسمة هذي من العيار الثقيل الرهيب، وهي رسمة من رسّام جديد انضم معنا قبل فترة. رسمته رائعة جدًا، من أفضل الرسمات اللي شفتها في مجتمعنا على الاطلاق، ولا يخفى على القارئ انها رسمة لبيق بوس 🙂

هذي رسمة برضه من أفضل الرسمات اللي شفتها على الاطلاق. الشخصية هي بطلة Beoynd Two Souls، الرسامة بايسايدر شاركتنا هالرسمة فقط الى الآن، ونتمنى نشوف لها رسمات أكثر وأكثر في المستقبل.

رياض الدوسري، من أرهب الرسامين اللي عندنا وكان الفائز في المسابقة اللي سويناها. رياض حط لنا الرسمة وسألنا هل تعرفتوه أو لا، عرفتوه؟

الرسامة الموهوبة دنيا، واللي تتحفنا دائماً برسامتها الرائعة رجعت لنا برسمة من الطراز اللي تتوقعونه منها دائماً. برافو على الرسمة الرائعة.

مثل ما نقول لكم دائماً وأبدًا، شاركونا مواهبكم في مجتمعنا، دايم نشوفها وننشرها هنا في هالمواضيع بالاضافة الى اننا ناوين ناخذ هالرسمات ونحطها في برنامج مشهور الأسبوعي على يوتيوب. قبل فترة حطينا بعض الرسمات اللي ارسلتوها لنا، لكن لسا باقي كثير، وكل الرسمات اللي حطيناها في هالمواضيع بتشوفونها في البرنامج ان شاء الله، كلها مسألة وقت.

يعطيكم العافية يارهيبين!