محمد الشريف
أعلنت سوني قبل شوي عن أسعار اشتراك خدمتها المنتظرة، خدمة بلايستيشن ناو.
اذا ناوي تشترك، فهذي أسعار الخدمة:
- تقدر تشترك اشتراك شهري، بحيث يصير قيمة الاشتراك 19.99 دولار (75 ريال) شهرياً.
- تقدر تشترك لثلاث شهور، بحيث تصير قيمة الاشتراك 44.99 دولار (169 ريال). يعني بيطلع عليك الشهر الواحد بـ 15 دولار (56 ريال).
بهذي المناسبة، أطلقت سوني فيديو احتفالية:
تاريخ بدء الخدمة بيكون في 13-1-2015 (بعد أسبوع من كتابة الخبر) وحالياً الخدمة متوفّرة فقط في أمريكا، فلازم تنتبه لهذي النقطة. خدمة بلايستيشن ناو تتطلب انترنت سريع عشان تشتغل زين حتى وأنت في أمريكا. سوني بتعلن بعد فترة عن توفر الخدمة في أوروبا وباقي مناطق العالم.
اذا لا زلت غير متأكد من الخدمة، بامكانك تجربها لمدة 7 أيام بشكل مجاني بعد ما تنطلق الخدمة.
خدمة بلايستيشن ناو، وهي باختصار خدمة بث ألعاب عن طريق الانترنت الى جهازك بشكل مباشر بدون ما تحمّل اللعبة. الخدمة تعتبر طموحة جداً، لدرجة ان محلل معروف قال عليها انها “نكته” وشرح أسبابه. سوني وعدت ان الخدمة بتحتوي على مئات الألعاب وقت الاطلاق، وطلعت تقارير قبل فترة تقول ان الخدمة احتمال تكون متوفرة على تلفزيونات من شركات ثانية.
وش رأيك بالأسعار؟
أيمن اليغشي
بارعة
احمد خالد
