أفضل لعبة تصويب في 2014

الفائز في جائزة أفضل لعبة تصويب في 2014 هي لعبة Call of Duty: Advanced Warfare. نزلت اللعبة على بلايستيشن 4، بلايستيشن 3، اكس بوكس ون، بي سي.

ألعاب التصويب من أكثر أنواع الألعاب المنتشر حالياً هاليومين، وصارت موضة للشركات انها تطوّر لعبة تصويب وتدخل في هالمجال اللي يجيب لها الملايين.

ألعاب التصويب هالسنة، ومثل كل سنة، كثيرة مره. ولكن لازم نختار أفضل ألعاب التصويب اللي نزلت، خلونا نلقي نظرة عليها:

• Titanfall
• Destiny
• Far Cry 4
• Call of Duty: Advanced Warfare

لعبة تايتنفول لعبة تصويب ممتازة ورائعة، ميكانيكيات التصويب فيها رائعة، وديستني نفس الشي بالتمام وحتى أفضل منها -من ناحية ميكانيكيات التصويب. استمتعنا كثير في هاللعبتين كألعاب تصويب وميكانيكيات تصويب. أما بالنسبة لفار كراي فاستمتعنا فيها كلعبة تصويب بشكل عام.

السنة هذي تفاجأنا بلعبة كول أوف دوتي، اللعبة اللي تنزل كل سنة والكثير يشتكي من تكراها وعدم تغيّرها. اللعبة هالسنة أعطتنا تجربة ممتازة، بحيث على ميكانيكيات التصويب الجيّدة اللي فيها، وسرع رتم اللعبة المعروفة فيه، الا انها قدمت لنا تجربة طور قصة ممتازة، وأيضاً طور الأونلاين رجع الى مكانته المعروفة.

كل هالأسباب خلتنا نختار Call of Duty: Advanced Warfare كأفضل لعبة تصويب في عام 2014.

وش اختيارك الشخصي لأفضل لعبة تصويب هالسنة؟