يزيد السويري
على قولة البعض أن العشق ما له حدود وأن الإنسان إذا أحب شيء وعشقه يدفع فيه دم قلبه. اليوم عندنا عاشق من نوع ثاني إسمه Lee Jones اللي قعد ثلاث سنوات ونص وصرف ما يقارب 26 ألف ريال عشان يبني سفينة Pillar of Autumn من لعبة هيلو باستخدام قطع الليقو.
أخونا لي صمم السفينة بشكل رهيب كأنه سوا لها سكان لكن بقطع الليقو. التفاصيل اللي في السفينة دقيقة ورهيبة خاصة شكل المحرك من ورا مضبوط بشكل خرافي. التصميم شامل لجميع الجهات والمناطق اللي في السفينة يعني مهما لفيت راسك عشان تطالع فوق او تحت أو من جمب بتشوف كمية تفاصيل رهيبة.
مقارنة بصاحبنا لي كنت أسوي بيت سنتي متر في سنتي متر واحد مع حوش صغير وكنت مبسوط وأهلي يسلكون لي يقولون وش ذا الإبداع الهندسي. الحين تأكدت فعلا أنهم كانوا يسلكون لي عقب ما شفت تصميم الرجال.
وش رأيكم شباب وش الأشياء اللي سويتوها للعبتكم المفضلة تعتبرونها شيء مجنون ما يسويه إلا أكبر فان للعبة مثل صاحبنا اللي في الخبر؟ عن نفسي شريت لعبة Dynasty Warriors 8 أربع مرات.
بارعة
احمد خالد
