أفضل لعبة عالم مفتوح في 2014

الفائز في أفضل لعبة عالم مفتوح هي لعبة Far Cry 4. نزلت اللعبة على بلايستيشن 4، بلايستيشن 3، اكس بوكس ون، اكس بوكس 360، بي سي.

“عالم مفتوح” من أكثر الكلمات اللي تحمّس الجيمرز هاليومين، وهي مثل الكلمة السحرية اللي تغيّر رأيهم ويصير ينتظرها بفارغ الصبر. ألعاب العالم المفتوح صارت في كل مكان هاليومين، والآن جا الوقت اللي نختار فيه فائز واحد.

بالنسبة لألعاب العالم المفتوح اللي نزلت هذي السنة وتميّزت حسب تجربتنا، هذي هي:

• Assassin’s Creed Unity
• Sunset Overdrive
• Far Cry 4

سلسلة أساسينز كريد من ألعاب العالم المفتوح اللي عرّفت العالم المفتوح ورفعت معايير الجودة فيه، بعد ما كانت ألعاب العالم المفتوح غالباً جودتها ضعيفة. هالسنة يوبيسوفت رفعت المعايير أكثر وأكثر وقدرت تعرض لنا مدينة باريس في أجمل صورة، بالاضافة الى انجازها التقني الهائل واللي قدروا يعرضون لك 10،000 شخص في لحظة وحدة على الشاشة! أما بالنسبة لسن سيت أوفردرايف، فهي كانت من ألعاب العالم المفتوح اللي فاجأتنا بعالمها الرائع.

قبل سنتين فاجأتنا فار كراي 3 بعالمها الضخم والحي واللي مليان مئات الأشياء اللي تسويها، وهالسنة أخذوا هالعناصر وطوّروها للأفضل. في فار كراي 4، ماهو بس مناظر جميلة اللي بتشوفها في العالم، لكن بيكون عندك مئات الأشياء اللي تسويها في العالم بدون ما تطفش أو تحس بالتلفيق، حتى الأشياء البسيطة مثل اقنص الحيوانات كانت ممتعة في اللعبة!

كل هالأسباب خلّتنا نختار فار كراي 4 كأفضل لعبة عالم مفتوح لعبناها هالسنة! وش اختيارك الشخصي لأفضل لعبة عالم مفتوح؟