صوّت للعبة

Rating: 4.0/5. From 1 vote.

Please wait...

dragonageinquisitionreviewpic

وش سالفة اللعبة

لعبة RPG آكشن في عالم خيال تحصل أحداثه في العصور الوسطى، بحيث تلقى فيها كائنات خيالية مثل التنانين (fantasy). عالم اللعبة هائل وواسع وتم تقسيمه الى عوالم مفصولة (locations) بحيث كل موقع أو مدينة لها مزاياها الخاصة فيها مثل اختلاف البيئة والمهمات والأعداء وغيره. قصّة اللعبة تسمح لك باختيار القرارات بحيث كل قرار تسويه تشوف نتيجته.بالنسبة للقصة الأساسية، تلعب بشخصية عندها قدرة خارقة اكتسبتها بطريقة غامضة بعد انفجار كبير صار في عالم اللعبة، ولا نجى منه غيرك أنت.

معلومات اللعبة

الناشر: Electronic Arts

المطور: BioWare

تاريخ الإصدار: 11/21/2014

النوع: RPG, أكشن RPG, قصّة تفاعلية, مغامرات

التصنيف العمري: PEGI 18+

عمر اللعبة: 80 ساعة (تقريبي)

الأجهزة الخاصة باللعبة: Xbox One, Xbox 360, PS4 (جهاز التقييم), PS3, PC

تحتاج إنجليزي؟: تحتاج

الايجابيات

في الفترة الأخيرة، هذي أكبر لعبة من ناحية المحتوى. عدد الأماكن اللي تلعب فيها، والمهمات والأشياء اللي تسويها يفوق أي شي لعبته مؤخرًا.
أجمل لعبة شفتها من ناحية تنوّع البيئات. حرفياً مافيه نوع بيئة عرفته في الجيمز الا وحطوه وبشكل جميل وجذّاب.
كعادة BioWare، شخصيات اللعبة عميقة ومتميّزة، مستحيل تلقى مثل شخصيات هالمطوّر!
تطوير بناء علاقتك مع شخصيات اللعبة، بحيث صار يعتمد حتى على اختياراتك في القصة الأساسية وأحداثها، وماهو بس مجرد تنفيذ مهمات جانبية للشخصية.
من الألعاب القليلة جدًا اللي ما طفشت منها، بحيث لقيت نفسي لاعب 80 ساعة ولا زلت أبغى ألعبها أكثر.
المحادثات الجانبيّة بين الشخصيات غالباً مضحكة وتضيف نوع من الفكاهة وأنت تلعب.
نظام القتال الاستراتيجي multi-faceted system يعطيك تجربة مختلفة كليّاً عن نظام القتال العادي. حرفيّاً قدرت أفوز في مواجهات ما كنت أحلم اني أفوز فيها بالقتال العادي.

السلبيات

نظام القتال فيه عيوب واضحة، أهمّها البطء في الحركة والاستجابة. (نسخة البي سي سليمة من هالخطأ)
بعض الأخطاء التقنيّة البسيطة (بتنحذف هذي النقطة اذا تصلّحت المشاكل في تحديثات اللعبة).
على ان المشاهد الجنسية ماهي ضرورية والزامية في اللعبة، الا ان البعض ممكن يتضايق منها على أي حال.

التقييم النهائي

ابو كلب
تمشي الحال
ممتعة
ممتازة
اسطورية

الزبدة

مقارنة بالسنوات الأخيرة، هذي أضخم وأكبر لعبة لعبتها، وأكثر لعبة حافظت على مستوى الجودة العالي - وهذي معادلة نادر جدًا انها تحصل في الألعاب. من تمسك اليد وتبدأ تلعب بتلاحظ عيوب اللعبة: نظام اللعب بطيء شوي وفيه عيوب، لكن هذا شي ممكن تتجاوزه اذا استوعبت المحتوى الهائل في اللعبة.

على العناصر اللي جمعتها والعمق اللي فيها، أعتقد ان هذي اللعبة مثال ممتاز لألعاب الآر بي جي الغربية، وهذا اللي خلاها من الألعاب القليلة جدًا اللي قضيت فيها فوق 80 ساعة، ولا زلت أبغى أرجع ألعبها.