محمد الشريف
انتهى أقوى شهر من ناحية الألعاب، عدد الألعاب اللي نزلت كثير لدرجة اللاعبين غالباً ما يقدرون يلعبون كل الألعاب.
هذا الشهر ما يختلف عن الشهر اللي قبل، بحيث طوّلنا شوي في اختيار أكثر لعبة استمتعنا فيها هذا الشهر. لكن مثل كل مره، لازم نتفق على لعبة وحدة ونختارها.
أكثر من سبب خلانا نختار Assassin’s Creed Unity كأكثر لعبة استمتعنا فيها هذا الشهر. يونيتي من أول الألعاب اللي من جد حسستنا اننا في الجيل الجديد، بحيث دخلنا أماكن في اللعبة شفنا فيها عدد هائل -من جد هائل- من الناس في منطقة وحدة، وكل واحد فيهم يتفاعل معك، ما هو مجرد صورة.
غير كذا، مدينة باريس تم تصويرها بشكل دقيق ورائع، وهذا شي ماهو غريب على يوبيسوفت ودقتها التاريخية. ضف الى هذا ان اللعبة تطوّرت من ناحية المهمات، فصار فيه تنويع أكثر. برضه طريقة اللعب تطوّرت، وأضافت اللعبة نظام الانحاء أخيرًا.
كل هذا ما يمنعنا من ذكر المشاكل الكبيرة في اللعبة، ولكن اللعبة الآن نزل لها تحديثات كبيرة وضخمة، والمفروض انها حلّت أكثر المشاكل.
اللعبة محتواها كبير ورائع، وتقدر تقضي فيه عشرات الساعات وأنت تلعب سواءً لوحدك أو مع خويك في المهمات التعاونية. عشان كل هالأسباب، اخترناها كأكثر لعبة استمتعنا فيها هذا الشهر، ولو ان فيه ألعاب غيرها أعطيناها تقييم أعلى 🙂
وش أكثر لعبة استمتعت فيها هذا الشهر؟ شاركنا رأيك يارهيب!
أيمن اليغشي
بارعة
احمد خالد
