رجعنا من جديد نستعرض رسماتكم الرهيبه

رجعنا لكم بعد انقطاع، ونعتذر عنه واللي كان سببه انشغالنا بمحتويات ثانية بالموقع.

بعيدًا عن الأعذار وغيره، حبينا نستعرض رسمات متابعينا الرهيبين من جديد، وهالمرة المحتوى خرافي وأفضل من اللي قبل.

نبدأ بصورة من الطراز الخرافي، الرسمة من الفنان تركي واللي شاركنا هالرسمة لأول مرة. الرسمة من انمي Hunter x hunter.

الرسمة الثانية من الفنانة الرائعة نوف، وحدة من أفضل الرسامين -ومن أقدمهم بالنسبة لي- اللي عرفتهم على الاطلاق.

رسمة للشخصية المعروفة Big Boss من سلسلة Metal Gear. الفنانة الموهوبة دائماً دنيا رسمتها بعد طلب مني. شغل واسطات أدري 🙂

رسمة ثانية لبيق بوس، ولكن هالمرة من الرسامة نوف. الرسمة هذي سوّتها نوف لبيق بوس بمناسبة مرور عشر سنوات على وحدة من أفضل الألعاب بالنسبة لي، ميتال جير سوليد 3 سنيك ايتر.

ما أظن تعرفون هالشي لكن، نوف من الرسامات اللي هيديو كوجيما بكبره يسوّي ريتويت لرسماتها! كلام كبير، صح؟

ننهي رسمات الأسبوع هذا برسمة من رسامة جديدة انضمت معنا، Games Gal. على ان الرسمة خرافيه ورهيبه وكل شي، الا ان أكثرشي أعجبني في الرسمة هو الشرح والكلام المكتوب معه. جيمز جال كتبت فكرتها عن الرسمة بشكل مفصّل، فوق اللي تتخيله.

أخيرًا، ما تعرفون قد ايش رسماتكم ومشاركاتكم تعني لنا. المحتوى اللي نشوفه منكم في مجتمعنا خرافي جدًا.

ولا تنسى، اذا أنت رسام فلا يردك شي من انك تشاركنا ابداعك في مجتمعنا، الرسمات الرهيبه بناخذها وننشرها في تويتر بحساب الموقع، واذا زانت الأمور وزالت العوائق بناخذ الرسمات ونحطها في برنامج مشهور اللي بدون اسم على يوتيوب.

يعطيكم العافية.