محمد الشريف
لعبة ديستني كانت من أضخم الألعاب اللي تم اطلاقها هذي السنة، اذا ما كانت أضخمها على الاطلاق. لعبة ديستني، حسب ما هو مخطط لها، انها لعبة المفروض تعيش معك سنوات قدام.
وعدنا مطوّر اللعبة انها راح تكبر وتتوسع وتتطور مع الوقت، وانهم راح يدعمونها بالاضافات والتوسعات اللي فيها محتويات كبيرة. نظرياً، هذا الكلام رائع، واللعبة فعلاً عندها الأساس الممتاز اللي تم بناءها عليه، لكن كثير من اللاعبين اشتكى من محتوى اللعبة: اما انه اعتبره محتوى قليل بالنسبة للعبة ضخمة، أو انه محتوى كبير لكنه متكرر في كل مكان باللعبة.
على وقت شرائي للعبة، كنت أدخل قائمة الأصدقاء في بلايستيشن وألقى عشرات اللاعبين يلعبونها، وصلت الزحمة لدرجة اني اذا دخلت اللعبة صار البعض يدخل معي بدون ما أطلب منه حتى.
مثل أي لعبة في العالم، عدد اللاعبين قلّوا عن قبل. لاحظت هذا الشي بشكل خاص بعد نزول Call of Duty: Advanced Warfare. كميّة الناس اللي يلعبون ديستني صاروا أقل بكثير.
الاضافة أو التوسعة الأولى باسم The Dark Below قادمة قريباً، والآمال متعلقة عليها بأنها ترجع اللاعبين لها. لكن هل بتقدر ترجع اللاعبين بعد ما تركوها؟ وحتى لو رجعوا لها، هل كميّة المحتوى الموجودة في التوسعة راح تمسك اللاعبين؟ طيب، الى متى بتمسك اللاعبين؟
كل هالأسئلة تدور في بالي من زمان. كشخص يحب اللعبة ويكرهها في نفس الوقت -وهذا شي نادر ما يحصل-، لفت نظري وضع اللعبة الحالي.
لذلك قلت أفتح نقاش بين متابعينا الرهيبين، شاركنا صوتك ورأيك وناقشنا في الموضوع!
بارعة
احمد خالد
أيمن اليغشي
