يزيد السويري
نِك (Nick) شاب عشريني يعاني من مرض الصداع النصفي الحاد ودايم يجيه ألم فظيع في راسه وبشكل مستمر. حتى مع الأدوية والمسكنات اللي يأخذها الألم ما يروح. في حالة نِك الشيء الوحيد اللي ممكن ينسيه أو يخفف عليه الصداع هي ألعاب الفيديو خاصة الرهيبة منها واللي تخليه يندمج مع عالمها وقصتها وتنسيه الألم اللي يعيشه.
أحد هالألعاب اللي يحبها نك هي لعبة The Witcher 2 ودايم كان وده يشكر المطورين على لعبتهم الرهيبة لأنها ساعدت في تخفيف ألمه المزمن. ولما كتب للمطور رسالة عن معاناته وحبه للعبتهم فاجأه المطور بطلب أنهم يضيفونه في لعبتهم الجاية The Witcher 3 كشخصية في اللعبة (شخصية ممكن تكلمها وتتفاعل معها لكنها غير قابلة للعب ).
أرسلهم نيك صورة لوجهه عشان يصممون شخصية بوجه نيك في اللعبة. الأستوديو نشر صورتين لتصميم مبدئي لشخصتين بوجه نيك. نيك تفاجأ بالنتيجة وقال: ” ما أصدق اللي قاعد اشوفه بصراحة هم ناس رهيبين “.
قصة حلوة صراحة والمطور كل ما له ويثبت كم هو محترم ويقدر جمهوره سواء في سياسته مع لعبتهم الجاية يوم قالوا أن لعبتهم ما راح تكون فيها إضافات مدفوعة بالعكس بتكون كلها مجانية بحيث يضمنون ان الكل يخوض نفس التجربة.
احمد خالد
بارعة