محمد الشريف
رجعنا لكم بكميّة رسمات رهيبه (كل مره بنقول رهيبه) هذا الأسبوع من الرسامين الرائعين، اللي يبدعون في مجتمعنا في كل أسبوع.
بدون مقدمات أكثر، نبدأ باستعراض الرسمات!
أول مانشرت موضوع الرسمات حق الأسبوع اللي راح، دخلت مجتمعنا بعدها مباشرة وأتفاجأ ان ثامر رسم لنا رسمة جديدة. انقهرت اني ما لحقت عليها، لكن عوضناها الأسبوع هذا وخليناها أول رسمة نعرضها. رسمة رائعة كالعادة من ثامر!
رسمة لشخصية Magus من لعبة الآر بي جي الكلاسيكية Chrono Trigger. الرسمة من الرهيب الحسن، صورة القمر مأخوذة من صورة صدقية وتم التعديل عليها، بينما باقي الرسمة تم رسمه باليد وبعدها عدّل عليها بالفوتوشوب.
رسمة ثانية من ثامر، وعلى قولته ماريو “مستكرش” أوماخذ من كراش. فكرة الرسمة رائعة جدًا!
رياض الدوسري ، من أفضل الرسامين اللي شفناهم على الاطلاق، أخيرًا رجع لنا بعد انقطاع، وهالمرة برسمة خرافية من لعبة Hungry Shark.
وحدة من الرسمات الشاطحه من رسم الرهيب Ran Khan والي فيها فكرة رهيبه. أكثر شي أعجبني تعبير وجه مشهور وهو يطالع في السؤال 🙂
رسمة خرافية لشخصية Geralt من سلسلة The Witcher، الرسمة من الفنان Desaing واللي رسمها باستخدام جالاكسي نوت 1، وأخذت منه الرسمة ثلاث ساعات.
ننهي الموضوع برسمة من المبدعة الرهيبه دنيا، للشخصية المعروفة لارا كروفت من Tomb Raider. جوجل يحسبها وجه حقيقي وطلب مني أسوي لها tag. ما شاء الله تبارك الله، عشان ما تقولون يمكن نحسدها 🙂
اذا أنت رسام فبامكانك تشاركنا رسماتك الرهيبه في مجتمعنا، ومتابعينا الرهيبين بيشوفونها، بالاضافة الى اننا بننشرها هنا في الموضوع الأسبوعي، وننشرها برضه في برنامج مشهور الأسبوعي على يوتيوب بعد ما ننتهي من بعض التعديلات اللي نسويها.
يعطيكم العافية كلكم، نلقاكم الأسبوع الجاي برسمات أرهب.
محمد ليلة
علي القرعاوي
مشهور الدبيان