Shinji Mikami : القلق والبقاء هي العناصر المهمة لتجربة الرعب الرهيبة

خلال مقابلة مع Shinji Mikami الأب الروحي لسلسلة Resident Evil صرح أن لعبتهم الجديدة The Evil Within بتضيف عنصر الشك والقلق بالإضافة للرعب الي فيها ، وأن هذي العناصر هم أساس الرعب الفعلي باللعبة.

“أنا أحب الشخصيات الضعيفة ، بالنهاية هذي طبيعة البشر ،تجربة الرعب تخوف أكثر لما اللاعب يكون ماهو متأكد إذا كانت شخصيته بتعيش أو تموت ، بس لازم نوزن العنصرين هذي بشكل أفضل عشان ما تخرب عليك التجربة النهائية”. أيضا شينجي قال أنه مايتحمس كثير لما يسوي لعبة رعب تقدر تهزم الوحوش والأعداء بكل بساطة فيها ، “ما أبغى أوقف هناك بالزاوية وأقتل مئات الوحوش” ويشوف أن هذا هو العنصر الي يخرب العاب الرعب.

وأخيرا ذكر أنه أكتشف في الوقت الي كان فيه يتعلم سيكيلوجية الرعب أن الرعب غريزة تختلف من شخص لثاني ، ومع سلسلة Resident Evil كان الكثير من الأعداء يشبهون الناس “لأنه بطبيعة الناس يخافون من الناس الي مايعرفونهم” وهذي هي العناصر الي يشوفها شينجي مهمه لالعاب الرعب وأضافها بلعبته The Evil Within.

بتنزل لعبة The Evil Within بتاريخ 14 أكتوبر على أجهزة البلايستيشن والإكس بوكس المنزلية والبي سي.

وش رأيك بكلام شينجي ؟ وهل بتشتري لعبتهم الجديدة لما تنزل ؟