مخترع Oculous Rift: الناس لا زالت ما تفهم الواقع الافتراضي

يقول صانع الأوكيلس ريفت Palmer Luckey أن الناس مافهموا وش يعني الواقع الإفتراضي بالنسبة لهم ونحتاج نسوي شغل كبير عشان نوصل فكرة أن الواقع الإفتراضي أكبر من أنه مجرد طريقة جديدة عشان تلعب الألعاب.

“أشوف أنهم مايعرفون ليش الواقع الإفتراضي مهم بالفترة الحالية ، كثير من الناس إذا سألتهم عن الواقع الإفتراضي عموماً بيقولك أنه طريقة جديدة عشان تلعب Halo،كنت أبغى أذكر لعبة ثانية لكن هذا الي جدتي كانت تقوله لما تشوفني شايل الأوكيلس ريفت معاي ‘شكلك بتشبك جهازك بالنتيندو حقك وتلعب Halo!’ ” هذا الي قاله Palmer Luckey خلال مقابلته مع موقع CNET .

يشوف أيضا أنه أكبر تحدي ممكن يواجههم هو تقبل الناس للأجهزة وما يتوقع أنه بيسوون إعلانات للجهاز لأنه بنظره الأهم أن الناس يجربون الجهاز بدال مايشوفون صور له بحسب كلامه ، ويقول أنه فيه شركات كبيرة مهتمه بالمجال هذا كثير وبيسوون العاب كبيرة للأوكيلس ريفت .

وش الأسباب الي ممكن ما تخليك تقتنع بأجهزة الواقع الإفتراضي ؟